بی سی سی آئی نے جنرل منیجر کے عہدے کے لئے طلب کی درخواست

صبا کریم کو دسمبر 2017 میں کرکٹ آپریشنز کے انچارج کے طور پر مقرر کیا گیا تھا۔ وہ قومی خاتون کرکٹ ٹیم کے کام کاج کو بھی سنبھال رہے تھے۔

تصویر ٹوئٹر @BCCI
تصویر ٹوئٹر @BCCI
user

یو این آئی

نئی دہلی: ہندوستانی کرکٹ کنٹرول بورڈ (بی سی سی آئی) نے ہندوستان کے سابق وکٹ کیپر صبا کریم کے جنرل منیجر (کرکٹ آپریشنز ) کے عہدے سے استعفیٰ دینے کے بعد بورڈ کے جنرل منیجر (کھیل ترقی) عہدے کے لئے درخواست طلب کی ہے۔

بی سی سی آئی کے مطابق درخواست دینے کی آخری تاریخ سات اگست ہے اور امیدوار کو بورڈ کے سی ای او اور حکام کو رپورٹ کرنی ہوگی۔ صبا کریم کے گزشتہ ہفتے استعفیٰ دینے سے پہلے طوفان گھوش نے این سی اے کے سی او او اور راہل جوہری نے چیف ایگزیکٹیوآفیسر (سی ای او) کے عہدے سے استعفیٰ دے دیا تھا۔ موجودہ وقت میں ہیمانگ امین سی ای او کا کام کاج سنبھال رہے ہیں اور اس کے ساتھ ہی وہ عبوری بنیاد پر آئی پی ایل سی او او کا عہدہ بھی سنبھال رہے ہیں۔

صبا کریم کو دسمبر 2017 میں کرکٹ آپریشنز کے انچارج کے طور پر مقرر کیا گیا تھا۔ وہ قومی خاتون کرکٹ ٹیم کے کام کاج کو بھی سنبھال رہے تھے۔ کریم نے جب اپنے عہدے سے استعفیٰ دیا تھا تب ایسی خبر تھی کہ بی سی سی آئی نے ان کا استعفیٰ تسلیم نہیں کیا ہے لیکن اب عہدے کے لئے درخواست طلب کرنے کے بعد یہ واضح ہوگیا ہے کہ بی سی سی آئی نے کریم کا استعفیٰ تسلیم کرلیا ہے۔ کریم ایسے چوتھے سینئر آفیسر ہیں جنھوں نے سوربھ گنگولی کی زیر قیادت بی سی سی آئی کی نئی انتظامیہ کے بعد استعفیٰ دیا ہے۔

بی سی سی آئی کے چیف ایگزیکٹو راہل جوہری نے رواں ماہ کے شروع میں اپنے عہدے سے استعفیٰ دے دیا تھا۔ بورڈ کے چیف فنانشیل آفیسر سنتوش رنگنیکر اور نیشنل کرکٹ اکیڈمی کے چیف آپریٹنگ آفیسر طوفان گھوش بھی اپنے عہدوں سے استعفیٰ دے چکے ہیں۔ کریم نے ایم وی شری دھر کی جگہ لی تھی جنہوں نے اس سال ستمبر میں اپنا عہدہ چھوڑ دیا تھا۔ کریم نے دوسری مرتبہ بی سی سی آئی کا کام کاج سنبھالا تھا۔ وہ سندیپ پاٹل کی قیادت والی قومی سلیکشن کمیٹی کا بھی حصہ رہے تھے۔

next