معین علی ’آرڈر آف دی برٹش ایمپایر‘ ایوارڈ سے سرفراز

34 سالہ معین علی نے کرکٹ کے تینوں فارمیٹ میں 225 بین الاقوامی میچوں میں انگلینڈ کی نمائندگی کی ہے، انھوں نے 315 وکٹ لینے کے علاوہ 5428 رن بنائے ہیں۔

معین علی، تصویر آئی اے این ایس
معین علی، تصویر آئی اے این ایس
user

قومی آوازبیورو

انگلینڈ کے کرکٹر اور انڈین پریمیر لیگ میں چنئی سپر کنگس کے اسٹار آل راؤنڈر معین علی کو ان کی خدمات کے لیے کوینس برتھ ڈے آنرس میں ’آرڈر آف دی برٹش ایمپایر‘ (او بی ای) سے نوازا گیا ہے۔ ’دی گارجین‘ اور ’پی اے میڈیا‘ نے اس تعلق سے بتایا کہ معین نے گزشتہ سال کے آخر میں ٹیسٹ کرکٹ سے اپنی سفید گیند کے کیریر سے ریٹائرمنٹ لے لیا تھا۔

معین علی نے یہ اعزاز ملنے کے بعد اپنا رد عمل ظاہر کرتے ہوئے کہا کہ ’’یہ واضح طور سے ایک اعزاز ہے۔ اگر میری کارکردگی سے میرے والدین خوش ہیں، تو یہ میرے لیے بھی خوشی کی بات ہے۔ ساتھ ہی مجھے اپنے شیدائیوں کا بھی ساتھ ملا، جن کی وجہ سے میں اپنی بلے بازی پر کام کر پایا۔‘‘ معین علی نے ساتھ ہی اشارہ دیا ہے کہ اگر انگلینڈ کے نئے ریڈ-بال کوچ برینڈن میک کولم کو ان کی خدمات کی ضرورت ہوتی ہے تو وہ اس کے لیے تیار رہیں گے۔


گزشتہ سال ریٹائرمنٹ لینے کے بعد ٹیسٹ کرکٹ میں ہو رہی واپسی کو لے کر معین علی نے کہا کہ انھوں نے آئی پی ایل میں انگلینڈ کے ٹیسٹ کوچ میک کولم کے ساتھ کھیلا تھا اور واقعی میں ان کے کام کرنے کے طریقے کا لطف اٹھایا۔ 34 سالہ معین نے تینوں فارمیٹ میں 225 بین الاقوامی میچوں میں انگلینڈ کی نمائندگی کی ہے، جس میں 315 وکٹ لینے کے علاوہ 5428 رن بنائے ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔