ہندستان نے مسلسل دوسرے ٹسٹ میچ میں جنوبی افریقہ سے کرایا فالو آن

جنوبی افریقہ کے خلاف اس پوری ٹسٹ سیریز میں ہندوستانی کھلاڑی رنگ میں نظر آئے۔ دلچسپ بات یہ ہے کہ فالو آن کرانے کے بعد دوسر ی اننگ میں بھی ہندوستانی گیندبازوں نے محض 132 رن پر 8 وکٹ گرا دئیے۔

تصویر سوشل میڈیا
تصویر سوشل میڈیا
user

قومی آوازبیورو

ہندوستانی گیندبازوں نے اپنی بہترین کارکردگی کا مظاہرہ کرتے ہوئے رانچی ٹسٹ میچ کے تیسرے دن پہلے تو جنوبی افریقہ کو فالو آن کرایا اور پھر دوسری اننگ میں محض 132 رن کے اسکور پر 8 وکٹ گرا دئیے۔ ہندوستان کی جانب سے پہلے تیز گیندباز اُمیش یادو اور محمد شامی نے خطرناک گیندبازی کرتے ہوئے شروع کے 4 وکٹ آؤٹ کر دئیے اور پھر ہندوستانی اسپنر روی چندرن اشون، رویندر جڈیجہ اور شہباز ندیم نے اپنی اسپن سے جنوبی افریقہ کے بلے بازوں کو پریشان کیا۔

اس سے قبل ہندستان نے اپنے گیند بازوں کی شاندار گیندبازی کی وجہ سے تیسرے کرکٹ ٹیسٹ کے تیسرے دن پیر کو جنوبی افریقہ کی پہلی اننگز 162 رنز کے معمولی اسکور پر سمیٹ دی۔ اسی کے ساتھ میزبان ٹیم کو 335 رنز کی برتری حاصل ہو گئی ہے جس سے حریف ٹیم کو مسلسل دوسرے میچ میں فالو آن کے لئے مجبور ہونا پڑا ہے۔

فاسٹ بولر محمد سمیع نے 22 رن پر دو وکٹ، امیش یادو نے 40 رن پر تین وکٹ، ڈیبو کرنے والے بولر شہباز ندیم نے 22 رن پر دو اور لیفٹ آرم اسپنر رویندر جڈیجہ نے 19 رن پر دو وکٹ نکالے۔ ڈرنکس کے بعد جنوبی افریقہ کی اننگز 56.2 اوور میں 162 رنز پر ڈھیر ہو گئی اور ہندستان نے اسے فالو آن کرا لیا۔ یہ مسلسل دوسرا موقع ہے جب اس کو فالو آن کرنا پڑا ہے۔ اس سے پہلے پنے ٹیسٹ میں بھی مہمان ٹیم کو فالو آن کرنا پڑا تھا جس میچ میں اسے اننگز اور 137 رنز سے شکست کھانی پڑی۔ہندستان نے پہلا ٹیسٹ 203 رنز سے جیتا تھا اور تین ٹسٹ میچوں کی سیریز میں وہ 2-0 سے پہلے ہی مضبوط حالت میں ہے۔ اب اس کے پاس رانچی میں حریف ٹیم کو وہائٹ واش کرنے کا موقع ہے۔

جنوبی افریقہ نے کل اپنے 9 رن پر دو وکٹ گنوا دیئے تھے۔ اس کے بلے بازوں جابر حمزہ نے صفر اور کپتان فاف ڈو پلیسس نے ایک رن سے اپنی اننگز کو آگے بڑھایا۔ پلیسس اگرچہ اپنے کل کے اسکور میں کوئی اضافہ نہیں کر سکے اور تیسرے دن پانچ گیندوں بعد ہی فاسٹ بولر امیش یادو نے انہیں بولڈ کر ہندستان کو دن کا پہلا اور حریف ٹیم کا تیسرا وکٹ دلا دیا۔حمزہ اگرچہ ایک اینڈ سنبھال كر کھیلتے رہے اور 16 رن پر تین وکٹ سے ٹیم کے اسکور کو 107 تک لے گئے۔ انہوں نے 79 گیندوں میں 10 چوکے اور ایک چھکا لگا کر 62 رنز کی نصف سنچری اننگز کھیلی۔ انہیں لیفٹ آرم اسپنر رویندر جڈیجہ نے بولڈ کر چوتھا وکٹ نکالا۔ ٹیم کے اسی اسکور پر پھر تمبا باووما بھی چلتے بنے جنہیں پہلا ٹیسٹ کھیلنے والے کھلاڑی شہباز ندیم نے وکٹ کے پیچھے ردھمان ساہا کو کیچ کرایا۔

باووما نے 72 گیندوں میں پانچ چوکے لگا کر 32 رن بنائے۔ باووما اور حمزہ نے 91 رنز کی مفید نصف سنچری شراکت کی۔ ہینرك كلاسین (6) کو جڈیجہ نے ہی بولڈ کیا اور لنچ تک جنوبی افریقہ کے 119 رنز پر چھ وکٹ نکال دیئے۔ دوپہر کے کھانے کے بعد افریقی ٹیم نے اپنے اگلے چار وکٹ 33 رن کے فرق پر گنوا دیئے۔جارج لنزے نے سرا سنبھالنے کی کوشش کی اور 81 گیندوں میں تین چوکے اور ایک چھکا لگا کر 37 رن بنائے۔ وہ دہائی کے ہندسے تک پہنچنے والے ٹیم کے تیسرے بلے باز رہے جن کی جدوجہد یادو نے ختم کی اور انہیں نویں بلے باز کے طور پر آؤٹ کیا۔ ڈین پئٹ (4) کو محمد سمیع نے ایل بی ڈبلیو کیا۔ کیگسو ربادا (صفر) کو یادو نے رن آؤٹ کیا جبکہ اینرچ نورتجے (4) کو ندیم نے ایل بی ڈبلیو کرکے حریف ٹیم کی اننگز سمیٹ دی۔

next