کرکٹ آسٹریلیا نے کھلاڑیوں کو جاری کی آئی پی ایل کھیلنے کے لیے این او سی

کرکٹ آسٹریلیا کی جانب سے یہ منظوری اس وقت سامنے آئی ہے جب افغانستان کرکٹ بورڈ (اے سی بی) نے دونوں ملکوں کے درمیان تین ون ڈے میچوں کی سیریز ملتوی کرنے کی تصدیق کی ہے۔

تصویر آئی اے این ایس
تصویر آئی اے این ایس
user

یو این آئی

میلبورن: کرکٹ آسٹریلیا (سی اے) نے ٹی 20 ورلڈ کپ سے قبل ستمبر اور اکتوبر میں متحدہ عرب امارات (یو اے ای) میں شیڈول کے مطابق آئی پی ایل میں آسٹریلوی کھلاڑیوں کی شرکت کا راستہ صاف کر دیا ہے۔ سمجھا جاتا ہے کہ کرکٹ آسٹریلیا نے اگلے مہینے آئی پی ایل میں شرکت کے لیے کھلاڑیوں کو این او سی جاری کردی ہے، جبکہ ٹی-20 ورلڈ کپ پریکٹس کے حصے کے طور پر افغانستان اور ویسٹ انڈیز کے ساتھ منصوبہ بند ٹی ٹونٹی سیریز کے لیے منتخب کیا جا سکتا ہے.

کرکٹ آسٹریلیا کی جانب سے یہ منظوری اس وقت سامنے آئی ہے جب افغانستان کرکٹ بورڈ (اے سی بی) نے دونوں ملکوں کے درمیان تین ون ڈے میچوں کی سیریز ملتوی کرنے کی تصدیق کی ہے، جو اصل میں ٹی 20 ورلڈ کپ سے قبل ہندوستان میں منعقد ہونا تھا۔


واضح رہے کہ ہندوستان میں کورونا وبا پھیلنے کے بعد آئی پی ایل کو اس سال مئی میں بیچ میں روک دیا گیا تھا۔ اس وقت آسٹریلیا کی سرحدیں بند ہونے کی وجہ سے تقریباً 40 آسٹریلوی کھلاڑیوں، کوچز، براڈ کاسٹروں اور معاون عملے کو مالدیپ میں وقت گزارنا پڑا، حالانکہ بعد میں بھارتیہ کرکٹ کنٹرول بورڈ (بی سی سی آئی) نے کھلاڑیوں کو بحفاظت چارٹر فلائٹ سے گھر بھیج دیا تھا۔

کورونا وبا کے پیش نظر آئی پی ایل کے بقیہ 36 میچ متحدہ عرب امارات میں مکمل کرنے کا فیصلہ کیا گیا ہے۔ آئی پی ایل ٹی-20 ورلڈ کپ شروع ہونے سے صرف دو دن پہلے ختم ہو جائے گا۔ اس کے بعد ٹی 20 ورلڈ کپ متحدہ عرب امارات میں ہی کھیلا جائے گا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔