کرن جوہر کا این سی بی کو جواب ’پارٹی میں منشیات کا استعمال نہیں ہوا تھا‘

این سی بی نے جعرات کے روز کرن جوہر کو ایک نوٹس بھیجا تھا جس میں انہوں نے شرومنی اکالی دل (ایس اے ڈی) کے لیڈر منجندر سنگھ سرسا کی شکایت پر پارٹی کی تفصیلات مہیا کرانے کی ہدایت دی گئی تھی۔

فلم ہدایت کار کرن جوہر / تصویر آئی اے این ایس
فلم ہدایت کار کرن جوہر / تصویر آئی اے این ایس
user

قومی آوازبیورو

ممبئی: بالی ووڈ کے معروف ہدایت کار اور فلمساز کرن جوہر نے نارکوٹکس کنٹرول بیورو (این سی بی) کو دیئے گئے جواب میں کہا کہ 2019 میں ہوئی پارٹی مین منشیات کا استعمال نہیں کیا گیا تھا۔ افسران نے اس کی جانکاری جمعہ کے روز دی۔

نام کی رازداری کی شرط پر این سی بی کے ایک سینئر افسر نے کہا کہ جوہر نے اپنے وکیل کی معرفت داخل کیے گئے اپنے جواب میں کہا ہے کہ ان کی طرف سے منعقد کی گئی پارٹی میں کسی بھی طرح کی نشیلی اشیا یا ادویات کا استعمال نہیں کیا گیا تھا۔

این سی بی نے جعرات کے روز کرن جوہر کو ایک نوٹس بھیجا تھا جس میں انہوں نے شرومنی اکالی دل (ایس اے ڈی) کے لیڈر منجندر سنگھ سرسا کی شکایت پر پارٹی کی تفصیلات مہیا کرانے کی ہدایت دی گئی تھی۔ تاہم افسر کا کہنا تھا کہ وہ کرن جوہر کی طرف سے انسداد منشیات بیورو کو داخل کیے گئے جواب کا مطالعہ کر رہے ہیں۔

خیال رہے کہ سال 2019 میں کرن جوہر کی رہائش پر مبینہ ڈرگ پارٹی کے حوالہ سے منجندر سنگہ سرسا نے رواں سال ستمبر کے مہینے میں این سی بی سے رابطہ قائم کیا تھا۔ اس پارٹی میں دیپیکا پادوکون، ارجن کپور، وکی کوشل، ورون دھون، رنبیر کپور، ملائیکا اروڑا سمیت کئی فلمی ستارے شریک ہوئے تھے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


next