دھرمیندر اسپتال سے ڈسچارج: ڈاکٹروں نے کہا- طبیعت اب مکمل طور پر مستحکم، گھر پر آرام جاری

بالی ووڈ اداکار دھرمیندر دیول کو ممبئی کے بریچ کینڈی اسپتال سے ڈسچارج کر دیا گیا ہے۔ اداکار کو عمر سے متعلق پیچیدگیوں کی وجہ سے داخل کیا گیا تھا اور ان کی حالت تشویشناک بتائی گئی تھی۔ اداکار کی حالت اب مستحکم ہے اور وہ اب اپنے گھر پہنچ چکے ہیں۔ کینڈی اسپتال کے ڈاکٹر راجیو شرما اور ڈاکٹر پرتیک صمدانی نے اداکار کی صحت کے بارے میں اپ ڈیٹ جاری کیا ہے اور سنی دیول کی ٹیم نے بھی مداحوں سے کہا ہے کہ وہ ان کی پرائیویسی کا احترام کریں۔

ڈاکٹر پرتیک صمدانی نے آئی اے این ایس کے ساتھ بات چیت میں دھرمیندر دیول کی صحت کے بارے میں بتاتے ہوئے کہا کہ دھرمیندر کو اسپتال سے ڈسچارج کر دیا گیا ہے اور وہ گھر پر اپنا علاج جاری رکھیں گے۔ انہیں صبح 7.30 بجے اسپتال سے چھٹی دی گئی، وہ مکمل طور پر صحت یاب ہو گئے ہیں۔ گھر میں بھی ان کے لیے علاج کے مناسب انتظامات کیے گئے ہیں۔ کینڈی اسپتال کے ڈاکٹر راجیو شرما نے عوام سے اپیل کی ہے کہ وہ اداکار کے بارے میں غلط معلومات نہ پھیلائیں۔

 انہوں نے آئی اے این ایس کو بتایا کہ ہم میڈیا اور عام لوگوں سے درخواست کرتے ہیں کہ وہ زیادہ قیاس آرائیاں نہ کریں اور اس دوران ان کی اور ان کے خاندان کی رازداری کا احترام کریں۔ ہم ان کی جلد صحت یابی کی خواہش کرتے ہیں، ہم چاہتے ہیں کہ وہ اپنی آنے والی سالگرہ اچھی طرح منائیں۔

دریں اثنا، اداکار سنی دیول کی ٹیم نے مداحوں اور میڈیا سے اپیل کی ہے کہ وہ خاندان کی رازداری کا احترام کریں۔ ٹیم نے کہا کہ دھرمیندر دیول کو اسپتال سے چھٹی دے دی گئی ہے اور وہ گھر پر اپناعلاج جاری رکھیں گے۔ ہم میڈیا اور عام لوگوں سے درخواست کرتے ہیں کہ وہ مزید قیاس آرائیوں سے گریز کریں اور اس دوران ان کی اور ان کے خاندان کی رازداری کا احترام کریں۔ ٹیم نے مزید لکھا کہ ہم ان کی جلد صحت یابی اور لمبی عمر کے لیے سبھی کی محبتوں، دعاوں اور نیک تمناوں کے شکر گزار ہیں۔ براہ کرم ان کا احترام کریں کیونکہ وہ آپ سے پیار کرتے ہیں۔