ہندوستان نے 21ویں دولت مشترکہ کھیلوں کے 7 ویں دن کا آغاز کانسہ تمغے کے ساتھ کیا اور کچھ ہی دیر بعد نشانہ باز شریسی سنگھ نے خواتین کے ڈبل ٹریپ مقابلہ میں طلائی تمغہ جیت لیا۔ فائنل میں شریسی نے شوٹ آف کے بعد 96+ کا اسکور کیا۔ انہوں نے آسٹریلیائی حریف ایما کوکس (96 + 1) کو پیچھے کر دیا۔ غور طلب ہے کہ شریسی اور ایما 96 کے اسکور پر برابر رہی تھیں جس کے بعد شاٹ آف سے فیصلہ ہوا۔
Published: 11 Apr 2018, 11:13 AM IST
مردوں کے ڈبل ٹریپ مقابلہ میں انکر متل نے کانسے کا تمغہ جیتا۔ انہوں نے فائنل میں 53 کا اسکور بنایا۔ اس مقابلہ کا طلائی تمغہ اسکاٹ لینڈ کے ڈیڈ مک میتھ کو حاصل ہوا، انہوں نے 74 کا اسکور کیا جوکہ دولت مشترکہ کھیلوں کا ریکارڈ ہ۔ آئل آف مین کے ٹم نیل (70) نے اس مقابلہ کا چاندی کا تمغہ جیتا۔ وہیں دیگر ہندوستان شوٹر اشب محمد 43 کے اسکور کے ساتھ چوتھے مقام پر رہے۔
Published: 11 Apr 2018, 11:13 AM IST
ہندوستان نے 21ویں دولت مشترکہ کھیلوں میں اب تک 12 طلائی، 4 چاندی اور 8 کانسے کے تمغے حاصل کر لئے ہیں اور کل 24 تمغوں کے ساتھ میڈل ٹیلی میں وہ آسٹریلیا اور انگلینڈ کے بعد تیسرے مقام پر برقرار ہے۔ ہندوستان کے شوٹنگ مقابلوں کے کل تمغوں کی تعاد 11 ہو گئی ہے جن میں 4 طلائی تمغے شامل ہیں۔ ویٹ لفٹنگ میں ہندوستان نے 5 طلائی تمغوں کے ساتھ 9 تمغے حاصل کر لئے ہیں۔
Published: 11 Apr 2018, 11:13 AM IST
ایم سی میری کام نے بدھ کو باکسنگ کے 48 کلو زمرے میں سری لنگا کی انوشا کو ہرا کر فائنل میں مقام بنا لیا ہے۔ انہوں نے انوشا کو 5-0 سے شکست دی۔ اس طرح ان کا چاندی کا تمغہ یقینی ہو گیاہے۔ اب ہو فائنل میں 14 اپریل کو ناردرن آئرلینڈ کی کرسٹین اوہارا کے مد مقابل ہوں گی۔ ایم سی میری کام پہلی دفعہ دولت مشترکہ کھیلوں میں حصہ لے رہی ہیں۔
Published: 11 Apr 2018, 11:13 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 11 Apr 2018, 11:13 AM IST