بیلجیئن شیفرڈ نسل کے اس کتے کی عمر نو سال اور نام آکی ہے۔ یہ کتا اپنا کام کا اتنا ماہر ہے کہ اس نے چند روز کے اندر اندر اس جرمن ایئر پورٹ سے سفر کرنے والے 12 ایسے مسافروں کی نشاندہی کر دی، جو نقدی کی صورت میں لیکن غیر قانونی طور پر کُل تقریباﹰ ایک چوتھائی ملین یورو یورپی یونین سے باہر اسمگل کرنا چاہتے تھے۔
Published: undefined
یورپ کے مصروف ترین ہوائی اڈوں میں شمار ہونے والے فرینکفرٹ انٹرنیشنل ایئر پورٹ کے کسٹمز آفس کی طرف سے بدھ بارہ اگست کے روز بتایا گیا کہ آکی نے جون کے اواخر سے لے کر جولائی کے اوائل تک محض چند روز میں ایک درجن ایسے مسافروں کو پہچان لیا، جو دو لاکھ 47 ہزار یورو سے زائد کی رقوم (تقریباﹰ دو لاکھ نوے ہزار ڈالر) غیر اعلانیہ طور پر یورپی یونین سے باہر کے کسی ملک لے جانا چاہتے تھے۔
Published: undefined
Published: undefined
جرمن کسٹمز حکام نے ان مسافروں کو روک کر ان کے پاس موجود نقد رقوم اس لیے ضبط کر لیں کہ یورپی یونین کے قوانین کے مطابق کسی بھی مسافر کے لیے لازمی ہوتا ہے کہ اگر وہ اپنے ساتھ دس ہزار یورو یا اس سے زائد کی رقوم لے کر یورپی یونین سے باہر کے کسی ملک جا رہا ہو، تو وہ کسٹمز حکام کو خود اس کی اطلاع کرے۔
Published: undefined
جن 12 مسافروں نے دانستہ طور پر ایسا نہ کیا، ان کے قبضے سے آکی کی مدد سے جو رقوم برآمد کی گئیں، وہ ہینڈ بیگز، شولڈر بیگز حتیٰ کہ چند مسافروں کی پتلونوں کی بیلٹوں تک میں چھپائی گئی تھیں۔ آکی نے ان رقوم کا پتا اس لیے چلا لیا کہ وہ کیش کرنسی کی بہت ہی ہلکی لیکن انتہائی منفرد بو کو سونگھ لینے میں خصوصی مہارت رکھتا ہے۔ ایک واقعے میں اس کتے نے اس مسافر کو پتا بھی چلا لیا، جس نے 52 ہزار یورو اپنے 'بیلٹ بیگ‘ میں چھپا رکھے تھے۔
Published: undefined
Published: undefined
آکی جرمنی کے سب سے بڑے ہوائی اڈے پر کسٹمز حکام کی ٹیکس چوری، منی لانڈرنگ، کیش اسمگلنگ اور بین الاقوامی دہشت گردی کے لیے مالی وسائل کی ترسیل کے خلاف کوششوں میں مدد کرتا ہے۔ ایئر پورٹ کسٹمز آفس کی ایک ترجمان نے بتایا، ''آکی کی بہت حساس ناک بھی ہمارا ایک بہت اہم ہتھیار ہے۔ اس نے صرف چند روز میں کئی ایسے مسافروں کی طرف سے یورپی مالیاتی قوانین کی خلاف ورزی کی نشان دہی کر دی، جنہیں اب بھاری جرمانے ادا کرنا ہوں گے۔‘‘
Published: undefined
گزشتہ برس صرف فرینکفرٹ ایئر پورٹ پر ایسے بیسیوں مسافر پکڑے گئے تھے، جو مجموعی طور پر تقریباﹰ 24 ملین یورو کی رقوم غیر اعلانیہ طور پر یورپی یونین سے باہر لے جا رہے تھے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم