حیدرآباد: حال ہی میں قائم شدہ نیو اسپیس انڈیا لمٹیڈ (این ایس آئی ایل) کے پہلے تجارتی مشن میں اسرو برازیل کے امیزون 1 اور دیگر 20 سٹلائیٹس کو اے پی کے سری ہری کوٹہ سے 28 فروری کو چھوڑے گا۔ اسرو نے ہفتہ کو کہا کہ خلائی ایجنسی کی خلائی گاڑی پی ایس ایل وی۔ سی 51 کا استعمال کرتے ہوئے سٹلائیٹس 28 فروری کو 10.23 بجے چھوڑے جائیں گے۔
Published: undefined
اسرو نے اس خصوص میں کیے گئے ٹوئٹ میں کہا کہ ”پی ایس ایل وی سی 51، این ایس آئی ایل کا پہلا تجارتی مشن ہوگا۔ امیزون۔1 اس مشن کا ابتدائی سٹلائیٹ ہوگا جو برازیل کا پہلا سٹلائیٹ مشن ہوگا۔ یہ ہندوستان سے چھوڑا جائے گا۔“ امیزون 1، نیشنل انسٹی ٹیوٹ فار اسپیس ریسرچ (آئی این پی ای) کا پہلا زمین کا مشاہداتی سٹلائیٹ ہوگا۔ اس سٹلائیٹ کے ذریعہ امیزون علاقہ میں جنگلات کی کٹائی کی نگرانی کے لئے استعمال کنندوں کو ریموٹ سنسنگ ڈاٹا فراہم کرتے ہوئے موجودہ ڈھانچہ کو مزید مستحکم کرنے میں مدد ملے گی اور بزازیل کے خطہ میں متنوع زراعت کا تجزیہ کرنے میں بھی تعاون حاصل ہوگا۔
Published: undefined
20 سٹلائیٹس میں اسرو کے آئی این ایس۔2 ٹی ڈی، آئی این۔اسپیس کے چار اور ایک ستیش دھون ایس اے ٹی اور این ایس آئی ایل کے 15 سٹلائیٹ شامل ہیں۔ پی ایس ایل وی۔ سی 51، پی ایس ایل وی کا 53 واں مشن ہے۔ پی ایس ایل وی۔ سی/51 امیزون 1، محکمہ خلا کے تحت حکومت ہند کی کمپنی این ایس آئی ایل کا پہلا مشن ہے۔ سال 2021 میں اسرو کا یہ پہلا مشن اور ایس ڈی ایس سی شار سے 78 واں خلائی مشن ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم