’کمپیوٹنگ سمر کیمپ‘ اختتام پذیر، بچوں کے درمیان سرٹیفکیٹ تقسیم

پرانی دہلی میں بچوں کو موبائل اور کمپیوٹر جیسے آلات کے سنجیدہ استعمال کی طرف راغب کرنے اور ان کی ذہنی صلاحیتوں کو ابھارنے کی غرض سے منعقد ہونے والے ’کمپیوٹنگ سمر کیمپ‘ کا اختتام سرٹیفکیٹ کی تقسیم پر ہو ا۔یہ کیمپ کوڈ اینٹائسر اور فاطمہ اکیڈمی کے اشتراک سے منعقد ہواجس میں بچوں کو کمپیوٹر پروگرام لکھنے ویب پیج بنانے اور سوفٹ وئر بنانے کے فن سے واقف کرایا گیا۔ کوڈ انٹائسرایک ادارہ ہے جو اسکولی سطح پربچوں کو کمپیوٹنگ سکھانے کو فرغ دیتا ہے اور اپنے مراکز میں یہ سہولت فراہم کئے ہوئے ہے۔ کوڈ انٹائسر کے ڈائر کٹر ڈاکٹر عقیل احمد کا کہنا ہے کہ کمپیوٹر پروگرام لکھنا ایک ایسی ذہنی ریا ضت ہے جس میں کسی مسئلہ کا حل نکالنا اس حل تک پہنچنے کے مراحل کھوجنا ، منصوبہ بندی کرنا پھر اسے حسابیاتی (کمپیوٹر کی ) زبان میں لکھنا شامل ہیں۔ یہ تمام صلاحیتیں بچے کے ذہن کو تحریک دیتی ہیں اور اسکول کے ہر مضمون کے لئے تیار کرتی ہیں خصوصاً Maths اچھی بنیاد بناتی ہیں۔ اس کیمپ کے انتظامی سہولیات فاطمہ اکیڈمی نے مہیا کرائی تھیں۔جس میں اعجاز نور صاحب محمد جاوید صاحب اور راشد صاحب نے اہم رول ادا کیا۔

اس اختتامی جلسہ میں امریکہ سے آئے ہوئے سائنس داں ڈاکٹر محمد توصیف نے سامعین کے سامنے سائنسی ملازمتوں میں خصوصاً اور عام زندگی میں عموماً کمپیوٹنگ کی ضرورت کو واضح کیا۔وہیں ہندوستان ٹائمس کے معاون مدیر جناب دانش رضا نے صحافت کے شعبہ میں کمپیوٹنگ جاننے والے افراد کے کام کو دکھا کر لوگوں کو اس فن کے حصول کی طرف راغب کیا۔جلسہ میں کوڈ انٹائسر کے تکنیکی افسر محمد مکرم نے کیمپ سے مستفیذ بچوں کے فنی ارتقا پر روشنی ڈالی۔کوڈانٹائسر کے صلاح کار جناب ثاقب مرزا نے نظامت کی ذمہ داری سنبھالی۔

اس موقع پر پرانی دہلی کی کئی معزز شخصیات موجود تھیں جن میں دہلی ایجو کیشن سوسائٹی سے جناب خلیل صاحب، دہلی یوتھ ویلفئر ایسوسی ایشن کے محمد نعیم، محمد تقی، ابو سفیان ، دہلی کے مشہور غزل سرا شکیل احمد صاحب اور اینجل پبلک اسکول کے پرنسپل راشد صدیقی اہم ہیں۔