پاکستان: منی ٹرک میں دھماکہ، 13 افراد ہلاک

اسلام آباد: جنوبی پاکستان کے شہر کراچی میں منی ٹرک میں دھماکہ ہونے سے کم از کم 13 افراد ہلاک اور متعدد زخمی ہوگئے۔ قومی میڈیا نے اتوار کو یہ اطلاع دی۔ جیو ٹی وی براڈ کاسٹر کے مطابق ابتدائی تفتیش سے پتہ چلا ہے کہ ایک دستی بم کے پھٹنے کی وجہ سے یہ دھماکہ ہوا۔

کاؤنٹر ٹیررازم ڈیپارٹمنٹ کے انچارج راجہ عمر خطاب نے صحافیوں کو بتایا کہ "دستی بم گاڑی کے اندر پھینکنے سے پہلے پھٹ گیا۔ حملہ آور موٹر سائیکل سے فرار ہوگئے۔‘‘ انہوں نے بتایا کہ مرنے والوں میں ایک 13 سالہ لڑکا بھی شامل ہے، جو شدید زخمی ہونے کے بعد اسپتال میں دم توڑ گیا۔ اس کے علاوہ سات دیگر زخمیوں کا علاج کیا جا رہا ہے۔

کراچی کے ایڈمنسٹریٹر بیرسٹر مرتضیٰ وہاب صدیقی نے ٹوئٹ کیا کہ "ڈاکٹر زخمیوں کو بچانے کی پوری کوشش کر رہے ہیں اور جو بھی علاج یا سرجری مناسب سمجھیں گے کیا جائے گا۔‘‘ پولیس کا خیال ہے کہ یہ واقعہ خاندانی تنازعہ یا دہشت گردانہ کارروائی کا ہو سکتا ہے۔ اس کی تحقیقات کی جا رہی ہے۔