پاکستان میں بارودی سرنگ کے دھماکہ میں 5 افراد ہلاک

اسلام آباد: پاکستان کے جنوب مغربی صوبہ بلوچستان کے ضلع سبی میں بارودی سرنگ کے دھماکے میں پانچ افراد ہلاک اور پانچ زخمی ہوگئے۔ یہ اطلاع مقامی میڈیا نے دی۔ ضلع سبی کے ڈپٹی کمشنر یاسر خان بجائی نے مقامی میڈیا کو بتایا کہ بابر کچ کے علاقے سے مزدوروں سے بھری گاڑی واپس آرہی تھی کہ اچانک بارودی سرنگ پھٹی، جس سے لوگوں کی موتیں ہوئیں۔

سیکورٹی اہلکاروں نے علاقہ کا محاصرہ کرکے تفتیش شروع کردی ہے۔ ابھی تک کسی تنظیم نے دھماکے کی ذمہ داری قبول نہیں کی ہے۔ جبکہ امدادی ٹیموں نے فوری طور پر موقع پر پہنچ کر زخمیوں کو اسپتال پہنچایا۔