صہیونی عوام حماس کے ساتھ بھی جنگ بندی کے حق میں، لڑائی کو اسرائیل کے تحفظ کے لیے خطرہ قرار دیا

اسرائیل اور حماس میں جاری کشیدگی کے درمیان ایک حالیہ سروے میں چونکانے والا انکشاف ہوا ہے۔ سروے کے مطابق اسرائیل کے زیادہ تر لوگ حماس کے ساتھ بھی جندی کے حق میں ہیں۔ یہ سروے ایسے وقت میں سامنے آیا ہے جب اسرائیل اور ایران کے درمیان حال ہی میں ایک جنگ بندی معاہدہ ہوا ہے، جس کا اعلان امریکی صدر ڈونالڈ ٹرمپ نے کیا تھا۔ اب اسرائیلی لوگوں کی توجہ غزہ پٹی میں حماس کے ساتھ چل رہی لڑائی کی طرف ہے۔

الجزیرہ کی رپورٹ کے مطابق، ’’دی یروشلم پوسٹ کی ملکیت والی آن لائن میڈیا کمپنی ’واللا‘ نے ایک سروے کرایا ہے جس میں پایا گیا کہ 62 فیصد اسرائیلی چاہتے ہیں کہ ان کی حکومت حماس کے ساتھ ایک معاہدہ پر پہنچے، جس کے تحت غزہ میں قید لوگوں کو رہا کیا جا سکے۔ یعنی سروے میں شامل 62 فیصد سے زیادہ اسرائیلی شہریوں نے حماس کے ساتھ فوری جنگ بندی کا مطالبہ کیا ہے۔

سروے میں حصہ لینے والوں کا کہنا ہے کہ طویل عرصے سے جاری یہ لڑائی نہ صرف اسرائیلی تحفظ کے لیے خطرہ ہے، بلکہ یہ اقتصادی اور سماجی استحکام کو بھی متاثر کر رہا ہے۔ غزہ میں حماس کے ساتھ جنگ کی وجہ سے ہزاروں لوگ متاثر ہوئے ہیں اور قیدیوں کی رہائی اب بھی ایک بڑا معاملہ بنا ہوا ہے۔

اس کے علاوہ حال ہی میں ایران کے ساتھ جنگ بندی کو محض 33 فیصد اسرائیلیوں کی حمایت ملی جبکہ 52 فیصد نے اس کی مخالفت کی اور 15 نے اپنی کوئی رائے ظاہر نہیں کی۔

سروے کے مطابق ایران کے ساتھ حال کی لڑائی کے بعد وزیر اعظم بنجامن نیتن یاہو کی برسراقتدار لکوئڈ پارٹی کی حمایت میں معمولی اضافہ دیکھا گیا ہے۔ لیکن یہ ان کے موجودہ اتحاد کے لیے اکثریت کے قریب پہنچنے کے لیے کافی نہیں ہے۔

سروے میں پایا گیا کہ نیتن یاہو کی ’لکوڈ پارٹی‘ کی سبقت کافی حد تک ان کے موجودہ اتحادی معاونین کی قیمت پر ہوئی ہے۔ سروے سے ظاہر ہوتا ہے کہ نیتن یاہو حامی اتحاد گوٹ نیسیٹ کی 120 سیٹوں میں سے صرف 49 سیٹیں ہی جیت پائے گا۔ اپوزیشن جماعتوں کو 61 سیٹیں ملیں گی، جبکہ عرب جماعتوں کو 10 سیٹیں ملنے کا امکان ہے۔

اگر آج انتخابات ہوتے ہیں تو نیتن یاہو کی لکوڈ پارٹی کو 120 سیٹوں والی نیسٹ میں 26 سیٹیں جیتنے کا امکان ہے جو جنگ سے قبل کے سروے سے 4 زیادہ ہے۔ یہ سابق وزیر اعظم نفطالی بینیٹ کی نئی پارٹی سے دو سیٹیں زیادہ ہیں، جسے 24 سیٹیں ملنے کا امکان ہے۔

واضح رہے کہ غزہ میں چل رہی لڑائیں کے باوجود نیتن یاہو نے اپوزیشن کے شروعاتی انتخاب کرانے کی اپیل کو بار بار خارج کیا ہے۔ ان کے مخالفین کا الزام ہے کہ وہ اقتدار میں بنے رہنے کے لیے جنگ کو لمبا کھینچ رہے ہیں۔