انکار کے باوجود یورپ یوکرین میں جنگ ہار گیا: ہنگری کے وزیر اعظم

ہنگری کے وزیر اعظم وکٹر اوربن نے اتوار کے روز کہا کہ یورپی یونین کے اس حقیقت کو جھٹلانے کی کوششوں کے باوجود وہ یوکرین کی جنگ ہار چکی ہے۔وکٹر  اوربن نے 'ایم ون' براڈکاسٹر سے بات کرتے ہوئے کہا کہ "یہ نئی حقیقت ہے، جزوی طور پر کھلی سچائی ہے - ہر کوئی اس کے بارے میں سن سکتا ہے، یہ پوشیدہ بات نہیں ہے۔ روس آگے بڑھ رہا ہے۔ وہ آہستہ آہستہ یہ پیش قدمی کررہا ہے، یہ آگے بڑھ رہا ہے۔ یوروپی یونین یہ جنگ ہار چکی ہے۔" انہوں نے یہ بھی کہا کہ "مختلف مواصلاتی حربوں" کو استعمال کرنے کی کوششیں بھی کی جا رہی ہیں۔

دوسری طرف ہنگری کے وزیر خارجہ پیٹر سیجرتو نے کہا ہے کہ ہنگری نے یوکرین کے تنازعہ کو حل کرنے کے لیے اپنے اختیار میں سب کچھ کیا ہے۔پیٹر سیجرتو نے آر آئی اے نووستی کو بتایا کہ "ہنگری کے باشندوں کے طور پر، ہم گزشتہ مہینوں سے امن مشن پر ہیں۔ ہم نے وہ سب کیا جو ہم کر سکتے تھے، ہم نے امریکہ کے نو منتخب صدر ڈونالڈ ٹرمپ سے ملاقات کی ہے۔ ہم نے روسی صدر اور سرکاری حکام کے ساتھ فون پر بات چیت کی ہے۔"

انہوں نے کہا کہ "یوکرینی عوام کے ساتھ، ترکی کے ساتھ، ویٹیکن کے ساتھ گفتگو کی، لہذا ہم نے واقعی وہ سب کچھ کیا جو ہمارے اختیار میں تھا، یا اس سے بھی زیادہ اقدام کیا ہے"۔