فرانس: میکرون نے لگاتار دوسری بار جیتا صدارتی انتخاب، ایفل ٹاور کے پاس منایا گیا جشن

فرانس کے موجودہ صدر امینوئل میکرون نے ایک بار پھر صدارتی انتخاب جیت لیا ہے۔ انھوں نے مرین لے پین کو شکست دی جو کہ کٹر مسلم مخالف شبیہ رکھتی ہیں۔ مرین نے اعلان کیا تھا کہ اگر وہ صدارتی انتخاب جیتیں گی تو عوامی مقامات پر خواتین کے حجاب پہننے پر پابندی عائد کر دی جائے گی۔ مسلم مخالفت میں وہ امینوئل میکرون کو ٹکر دینا چاہتی تھیں، لیکن میکروں نے 58.2 فیصد ووٹ حاصل کر ایک بار پھر فرانس کا صدر بننا یقینی کر لیا۔

میکرون کی فتح کے بعد پیرس کے ایفل ٹاور کے پاس ان کے حامیوں نے جیت کا جشن منایا۔ یہاں کے چیمپ ڈے مارس پارک میں ایک بڑے اسکرین پر آخری ریزلٹ جاری ہوتے ہی ان کے حامیوں نے ایک دوسرے کو مبارکباد پیش کی۔ پھر فرنچ اور یوروپی یونین کے پرچم لہراتے ہوئے جشن منایا۔

برطانیہ کے وزیر اعظم بورس جانسن نے میکروں کی جیت پر ٹوئٹ کر انگریزی اور فرنچ زبان میں مبارکباد پیش کی۔ جانسن نے لکھا کہ ’’فرانس کے صدر کی شکل میں آپ کے پھر سے چنے جانے پر مبارکباد۔ فرانس ہمارے سب سے قریبی اور سب سے اہم معاونین میں سے ایک ہے۔ میں ان ایشوز پر مل کر کام جاری رکھنے کے لیے پرجوش ہوں جو ہمارے دونوں ممالک اور دنیا کے لیے سب سے زیادہ معنی رکھتے ہیں۔‘‘

دوسری طرف اٹلی کے وزیر اعظم ماریو ڈریگی نے ایک بیان میں کہا کہ ’’فرانس کے صدارتی انتخاب میں امینوئل میکرون کی جیت پورے یوروپ کے لیے اچھی خبر ہے۔‘‘ اسپین کے وزیر اعظم پیڈرو سانچیز نے میکرون کی فتح کو ’جمہوریت کی جیت، یوروپ کی جیت‘ قرار دیا۔ علاوہ ازیں یوروپی لیڈروں کے ایک گروپ نے میکرون کی جیت کی تعریف کی، کیونکہ فرانس نے روس کو پابندیوں کے ذریعہ سزا دینے کی بین الاقوامی کوششوں میں اہم کردار نبھایا ہے اور یوکرین کو اسلحہ کی فراہمی کر رہا ہے۔ یوروپی کمیشن کے سربراہ ارسولا وانڈر لین نے ٹوئٹ کیا اور کہا کہ ہم مل کر فرانس اور یوروپ کو آگے بڑھائیں گے۔

میکرون کی جیت کے بعد یوکرین کے صدر زیلینسکی نے بھی انھیں مبارکباد دی۔ زیلینسکی نے اتوار کو میکرون کو یوکرین کا سچا دوست کہا اور ان کی حمایت کی تعریف کی۔ فرنچ میں ٹوئٹ کرتے ہوئے زلینسکی نے کہا ’’مجھے یقین ہے کہ ہم مشترکہ جیت کی طرف ایک ساتھ آگے بڑھیں گے۔ ایک مضبوط اور متحد یوروپ کی طرف۔‘‘

گزشتہ 20 سالوں میں دوبارہ انتخاب جیتنے والے پہلے فرانسیسی صدر میکرون کا بھی بیان سامنے آ چکا ہے۔ انھوں نے کہا کہ کسی کو بھی سڑک کے کنارے نہیں چھوڑا جائے گا۔ ہمارے پاس کرنے کے لیے بہت کچھ ہے اور یوکرین میں جنگ ہمیں یاد دلاتا ہے کہ ہم تکلیف دہ وقت سے گزر رہے ہیں جہاں فرانس کو اپنی آواز اٹھانی چاہیے۔ واضح رہے کہ میکرون 20 سالوں میں دوبارہ انتخاب جیتنے والے