برطانیہ کے سابق وزیر اعظم رشی سنک نے ہندوستان کے آپریشن سندور کی حمایت کی

برطانیہ کے سابق وزیر اعظم رشی سنک نے پہلگام دہشت گردانہ حملوں کے ذمہ داروں کے خلاف پاکستان اور پاکستان کے زیر قبضہ کشمیر میں ہندوستانی افواج کی کارروائی کی حمایت کرتے ہوئے کہا ہے کہ دہشت گردوں کو کسی بھی طرح سے رعایت نہیں دی جا سکتی۔

برطانیہ کے سابق وزیر اعظم رشی سنک نے ٹویٹر پر اپنی پوسٹ میں کہا، "کسی بھی ملک کو دوسرے ملک کے علاقے سے اپنے خلاف دہشت گردانہ حملوں کو برداشت نہیں کرنا چاہئے۔ ہندوستان کا  دہشت گردوں کے بنیادی ڈھانچے پر حملہ کرنا جائز ہے۔

ہندوستانی مسلح افواج نے آپریشن سندور کے تحت منگل کی رات دیر گئے پاکستان اور پاکستان کے زیر قبضہ کشمیر میں 25 منٹ تک تیز رفتار حملے کیے، دہشت گردوں کے 9 ٹھکانے مکمل طور پر تباہ کر دیے اور دہشت گردوں کے نیٹ ورک کی کمر توڑ دی۔ کچھ رپورٹس میں کہا گیا ہے کہ ہندوستان کی کارروائی میں دو سو پچھتر سے زیادہ دہشت گردوں کے مارے جانے کا امکان ہے۔