صدر ڈونلڈ ٹرمپ نے بدھ اٹھائیس اگست کی صبح کا آغاز شاید ’ٹرمپ نیوز‘ گوگل کرنے سے کیا ہو۔ انہوں نے آج علی الصبح امریکی وقت کے مطابق صبح چھ بجے پوسٹ کی گئی اپنی دو ٹویٹس میں سرچ انجن گوگل اور سوشل میڈیا کمپنیوں کو شدید تنقید کا نشانہ بنایا۔
Published: undefined
ان پیغامات میں انہوں نے لکھا کہ جب گوگل میں ’ٹرمپ نیوز‘ لکھ کر سرچ کیا جائے تو صرف ’فیک نیوز میڈیا‘ کی رپورٹیں ہی سامنے آتی ہیں۔ انہوں نے خاص طور پر سی این این کا نام لیتے ہوئے بھی تنقید کی۔ ان کا کہنا تھا، ’’چھیانوے فیصد نتائج بائیں بازو کے امریکی میڈیا کی رپورٹوں پر مبنی ہیں۔‘‘
Published: undefined
ٹرمپ کے مطابق، ’’گوگل اور دوسرے ادارے قدامت پسندوں کی آواز دبا رہے ہیں اور اچھی خبریں چھپا رہے ہیں۔ وہ کنٹرول کرتے ہیں کہ آپ کیا دیکھیں گے اور کیا نہیں۔‘‘
Published: undefined
انہوں نے سرچ انجن اور سوشل میڈیا پر اپنے بارے میں خبروں کے حوالے سے یہ بھی کہا کہ ’یہ ایک سنجیدہ صورت حال ہے جس سے نمٹا جائے گا‘۔
Published: undefined
اپنے پیغامات میں تاہم انہوں نے یہ واضح نہیں کیا کہ کیا انہوں نے خود ’ٹرمپ نیوز‘ لکھ کر سرچ کیا یا پھر وہ کسی تحقیقی رپورٹ کے حوالے سے چھیانوے فیصد نتائج کے ’جعلی‘ ہونے کی بات کر رہے ہیں۔ تاہم انہوں نے ان نتائج کو سوالیہ انداز میں ’غیر قانونی؟‘ ضرور کہا۔
Published: undefined
ایسوسی ایٹیڈ پریس نے اس ضمن میں گوگل کا موقف جاننے کی بھی کوشش کی تاہم ادارے نے فوری طور پر کوئی جواب دینے سے انکار کر دیا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز