اہم خبریں LIVE: ایلن مسک نے ٹیسلا کے شیئرس میں گراوٹ کے لیے فیڈرل ریزرو کو ٹھہرایا ذمہ دار

ٹیسلا کے شیئرس میں گراوٹ کے درمیان ایلن مسک نے ہفتہ کے روز موجودہ حالات کے لیے فیڈرل ریزرو کو ذمہ دار ٹھہرایا اور کہا کہ ان کی الیکٹرک کار کمپنی پہلے سے بہتر کر رہی ہے۔ اس سال جنوری سے ٹیسلا کے اسٹاک میں تقریباً 60 فیصد کی گراوٹ آئی ہے اور اس ہفتہ 156.80 ڈالر پر کاروبار ہوا۔

ایکناتھ شندے حکومت کے خلاف مہاراشٹر وکاس اگھاڑی کے احتجاجی مارچ میں شامل کانگریس لیڈر بالاصاحب تھوراٹ نے کہا ’’کئی بڑے پروجیکٹ مہاراشٹر سے چھین کر گجرات کو دیے گئے اور وہاں بی جے پی نے الیکشن جیت لیا۔ مہاراشٹر کے عوام اپنے ووٹ سے بی جے پی کو مضبوط پیغام دیں گے۔‘‘

مہا وکاس اگھاڑی (ایم وی اے) نے ممبئی میں ایکناتھ شندے حکومت اور مہاراشٹر کے گورنر بی ایس کوشیاری کے خلاف چھترپتی شیواجی مہاراج پر متنازعہ تبصرہ کے خلاف احتجاجی مارچ نکالا۔

بہار کے چھپرا میں زہریلی شراب پنے سے ہونے والی اموات کی تعداد بڑھ کر 70 ہو گئی ہے۔

دہلی میں سی این جی کی قیمتوں میں ایک بار پھر اضافہ ہوا ہے۔ اس بار 95 پیسے کا اضافہ کیا گیا ہے۔ یہ نرخ آج صبح 6 بجے سے نافذ ہو گئے ہیں۔ دہلی میں سی این جی کی قیمت 95 پیسے بڑھ کر 79.56 روپے فی کلو ہو گئی ہے۔ این سی آر میں بھی سی این جی کی قیمتوں میں اضافہ ہوا ہے۔ سی این جی نوئیڈا، گریٹر نوئیڈا اور غازی آباد میں 82.12 فی کلو جبکہ گڑگاؤں میں 87.89 فی کلو میں دستیاب ہوگی۔