انڈیگو اب بھی اڑا رہا جنگ میں پاکستان کا تعاون کرنے والے ترکیے کا طیارہ، ڈی جی سی اے نے تازہ حالات سے کیا مطلع

انڈیگو کو ترکیے سے لیز پر لئے گئے 5 نیرو باڈی طیارے کو مزید ایکسٹینشن نہیں دیا جائے گا۔ یعنی اب ان طیاروں کو صرف مارچ 2026 تک چلانے کی اجازت ملی ہے۔ اس سلسلے میں ہوابازی ریگولیٹر ڈی جی سی اے کی طرف سے جانکاری دی گئی ہے۔ ’واچ ڈاگ‘ نے انڈیگو کے ذریعہ ترکیے سے لیے گئے ایئرکرافٹ کی لیز کے ٹائم پیریڈ کے بارے میں بتایا گیا۔

دراصل قیاس آرائیاں ہو رہی تھیں کہ انڈیگو کو لیز والے طیارے استعمال کرنے کے لیے مزید وقت دیا گیا ہے۔ حالانکہ انڈیگو کو ترکیے سے ویٹ لیز پر ایئرکرافٹ چلانے کی جو اجازت دی گئی ہے، اس کی آخری ایکسٹینشن مارچ 2026 تک ہی قابل قبول ہے۔ اس میں ایک ’سن سیٹ کلاؤز‘ ہے کہ مزید کوئی ایکسٹینشن نہیں دیا جائے گا۔

بہرحال ڈی جی سی اے کے مطابق ترکیے کی کورینڈین ایئرلائنس سے لیے گئے 5 بوئنگ-737 طیارہ کی لیز مارچ 2026 میں ختم ہو جائے گی۔ فی الحال انڈیگو ویٹ/ڈیمپ لیز کی بنیاد پر 15 غیر ملکی ایئرکرافٹ آپریٹ کرتی ہے، جن میں 7 ترکیے کے ہیں۔ رواں سال اگست ماہ میں ڈی جی سی اے نے انڈیگو کو کچھ شرائط کے ساتھ ترکش ایئرلائنس سے لیز پر لیے گئے 2 بوئنگ-777 ایئرکرافٹ آپریٹ کرنے کے لیے فروری 2026 تک 6 ماہ کا ایکسٹینشن دیا تھا۔

یہ قدم ڈی جی سی اے کی طرف سے مئی میں اٹھایا گیا جب انڈیگو کو ترکش ایئرلائنس کے ایئرکرافٹ آپریٹ کرنے کے لیے 31 اگست تک 3 ماہ کا ایک بار کے لیے فائنل ایکسٹینشن دینے کی بات کہی گئی۔ ساتھ ہی یہ ایئرلائن سے مزید کوئی ایکسٹینشن نہ مانگنے کے لیے کہنے کے 3 ماہ سے بھی کم وقت بعد آیا تھا۔ یہ فیصلہ مئی میں ترکیے نے پاکستان کی حمایت کرنے اور پڑوسی ملک میں دہشت گردانہ کیمپوں پر ہندوستانی حملوں کی مذمت کرنے کے معاملے میں سامنے آیا تھا۔

قابل ذکر ہے کہ اسپائس جیٹ کے پاس آپریشن میں 17 غیر ملکی طیارے ہیں، جنھیں ویٹ/ڈیمپ لیز پر لیا گیا ہے۔ ڈی جی سی اے کے افسر نے بتایا کہ ایئرکرافٹ کی ویٹ لیزنگ گلوبل ایویشن انڈسٹری میں ایک معمول کی پریکٹس ہے۔ افسر نے کہا کہ انجن سے جڑی دقتوں کے سبب ایئرکرافٹ کو گراؤنڈ ہونے اور او ای ایم سے آرڈر کے مقابلے ایئرکرافٹ کی ڈیلیوری میں تاخیر کے سبب کئی ہندوستانی ایئرلائنس ہندوستانی مسافروں کو خدمات دینے کے لیے ایک عارضی انتظام کے طور پر غیر ملکی کمپنیوں سے ویٹ لیز لے رہی ہیں۔