بہار میں ضلع سمستی پور کے کلیان پور تھانہ حلقے میں آگ سے جھلس کر ایک ہی گھر کی دو خواتین سمیت تین افراد کی موت ہو گئی۔
Published: undefined
پولیس ذرائع نے ہفتے کے روز بتایا کہ ضلع کے رام بھدرپور گاؤں کے چھکَّن ٹولی میں جمہ کی رات ایک گھر میں کھانہ بنانے کے دوران رسوئی گیس سلینڈر میں آگ لگ گئی۔ دیکھتے ہی دیکھتے آگ نے ہولناک شکل اختیار کر لی اور آس پاس کے 20 گھروں کو بھی اپنی زد میں لے لیا۔ اس دوران چھکَّن ٹولہ کے باشندے کیسُن دیوی، بہو سنگیتا دیوی (26) اور پوتی گنگا کماری (08) کی جل کر موت ہو گئی۔ یہ سبھی سونے لال رائے کے گھر میں سو رہے تھے۔
Published: undefined
ذرائع نے بتایا کہ دیہی افراد کی اطلاع کی بنیاد پر فائر برگیڈ ٹیم نے موقع پر پہنچ کر آگ پر قابو پایا۔ اس حادثے میں لاکھوں روپیے کے سامان جل کر خاکستر ہو گئے۔ ادھر سمستی پور کے سرکل افسر نے بتایا کہ متاثرہ خاندانوں کی فہرست تیار کی جا رہی ہے اور آج ہی حکومتی امداد دی جائے گی۔ سڑک افسر رویندر کمار دیواکر نے بتایا کہ ہلاک ہونے والوں کے اہل خانہ کو محکمہ آفات سے ملنے والی چار چار لاکھ روپیے کی امدادی رقم دی جائے گی۔
Published: undefined
اس دوران اسمبلی کے ڈپٹی اسپیکر اور جے ڈی یو کے مقامی رکن اسمبلی مہیشور ہزاری نے اس واقعہ پر افسوس کا اظہا رکرتے ہوئے کہا کہ متاثرہ خاندانوں کو ہرممکن سرکاری امداد مہیا کروائی جائے گی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined