ریاستیں رعایتیں رہنما ہدایات کے مطابق نافذ کریں: شاہ

مرکزی وزیر داخلہ امت شاہ نے حکام سے کہا کہ وہ کورونا وبا کی وجہ سے پورے ملک میں نافذ مکمل لاک ڈاون کے مدنظر جاری رہنما ہدایات میں پیر سے کچھ سرگرمیوں میں چھوٹ کے التزامات کے بارے میں ریاستوں اور مرکز کے زیرانتظام ریاستوں کے ساتھ اہم نکات پر بات چیت کریں جس سے پورے ملک میں صورتحال کو کنٹرول میں رکھا جاسکے۔

وزارت داخلہ کے آج جاری بیان میں کہا گیا کہ مسٹر شاہ نے سنیچر کو میٹنگ میں مختلف ریاستوں میں کورونا وبا کی وجہ سے پیدا ہوئے حالات کا جائزہ لیا۔ انہوں نے کہا کہ کورونا وباکے خلاف مہم جاری ہے اس لئے مکمل لاک ڈاون کی پابندیوں کے ساتھ وقتاّّ فوقتاّ دی جانے والی ہدایات پر سختی سے عمل کیا جانا چاہئے۔

انہوں نے کہاکہ جو علاقہ ہاٹ اسپاٹ /کلسٹرس/کنٹینمنٹ زون میں نہیں آتے اور جن میں کچھ سرگرمیوں کی اجازت دی جارہی ہے وہاں احتیاط برتنا اور یہ یقینی بنا نا ضروری ہے کہ چھوٹ صرف حقیقی صورتحال کے جائزہ کے بعد دی جائے گی۔

وزیر داخلہ نے کہا کہ معیشت کو مضبوطی فراہم کرنے کے لئے دیہی علاقوں میں کچھ اقتصادی سرگرمیوں کی اجازت دی گئی ہے۔ اس لئے ضلع مجسٹریٹوں کو صنعتی گروپوں کے تعاون سے، ریاست کے اندر ہی مزدوروں کو ان کے کام کرنے کی جگہ پر پہنچانے کا انتظام کرنا چاہئے۔ حکومت کا خیال ہے کہ اس سے نہ صرف اقتصادی سرگرمیوں کو رفتار ملے گی بلکہ مزدوروں کو روزگار کے مواقع بھی ملنے لگیں گے۔