لکھنو: سوشل میڈیا کے ذریعہ اترپردیش کی یوگی حکومت پر لگاتار حملہ آور کانگریس جنرل سکریٹری پرینکا گاندھی واڈرا نے اب ریاست کے بیسک ایجوکیشن وزیر سیتش چندر دیویدی کے بھائی کو ملی نوکری پر سوال کھڑے کرتے ہوئے الزام لگایا ہے کہ یوگی کے وزیر آفت کی گھڑی میں مواقع ہڑپنے میں پیچھے نہیں ہیں۔
Published: undefined
پرینکا گاندھی واڈرا نے اتوار کو فیس بک وال پر لکھا کہ 'اس وبائی بحران میں یوپی حکومت کے وزیر عام لوگوں کی مدد کرنے سے تو ندارد دکھ رہے ہیں، لیکن آفت میں مواقع ہڑپنے میں پیچھے نہیں ہیں۔ یوپی کے بیسک ایجوکیشن وزیر کے بھائی غریب بن کر اسسٹنٹ پروفیسر کی نامزدگی پا گئے۔ لاکھوں نوجوان یوپی میں روزگار کے لئے پریشان ہیں۔ لیکن نوکری' آپدا میں اوسر' والوں کی لگ رہی ہے یہ غریبوں اور ریزرویشن دونوں کے ساتھ کھلا مذاق ہے۔
Published: undefined
انہوں نے طنز کستے ہوئے کہا کہ 'یہ وہی وزیر ہیں جنہوں نے انتخاب کی ڈیوٹی میں کورونا سے مارے گئے ٹیچروں کی تعداد کو ناکار دیا اور اسے اپوزیشن کی سازش بتایا۔ کیا وزیر اعلی اس سازش پر کوئی ایکشن لیں گے۔ ادھر وقت سے پہلے ریٹائر کیے گئے آئی پی ایس افسر امیتابھ ٹھاکر اور ان کی سماجی کارکن بیوی ڈاکٹر نوتن ٹھاکر نے وزیر برائے بیسک ایجوکشن کے بھائی ارون دیویدی کی سدھارتھ یونیورسٹی کپلوستو میں شعبہ سائیکالوجی میں اسسٹنٹ پروفیسر کے عہدے پر سوال اٹھاتے ہوئے ان کے ذریعہ حاصل شدہ ای ڈبلیو ایس سرٹیفیکٹ کی جانچ کا مطالبہ کیا ہے۔
Published: undefined
گورنر اور یونیورسٹی کے چانسلر آنندی بین پٹیل سمیت دیگر کو بھیجی گئی اپنی شکایت میں انہوں نے کہا کہ ڈاکٹر ارون کمار وزیر تعلیم کے بھائی ہونے کے ساتھ ہی بنستھلی ودیا پیٹھ راجستھان میں سائیکالوجی میں اسسٹنٹ پروفیسر تھے۔ ایسے میں ڈاکٹر ارون کمار کے ذریعہ ای ڈبلیو ایس سرٹیفکیٹ حاصل کیا جانا سردست جانچ کا موضوع ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا