نئی دہلی: ہندوستان نے منگل کے روز پاکستان کے لاہور قلعے میں سکھ حکمراں مہاراجہ رنجیت سنگھ کے مجسمے کو توڑے جانے پر شدید برہمی کا اظہار کرتے ہوئے کہا کہ اس طرح کے حملے وہاں کے سماج میں اقلیتی برادریوں کے خلاف بڑھتی ہوئی عدم رواداری کی علامت ہیں جنہيں روکنے میں حکومت پاکستان ناکام ہو چکی ہے۔ یہاں قابل ذکر ہے کہ مہاراجہ رنجیت سنگھ کے مجسمہ کو پاکستان میں اس سے قبل بھی نقصان پہنچایا جا چکا ہے۔
Published: undefined
وزارت خارجہ کے ترجمان ارندم باغچی نے میڈیا کے سوال پر آج دہلی میں کہا کہ ’’ہم نے آج لاہور میں مہاراجہ رنجیت سنگھ کے مجسمے کو توڑے جانے کے بارے میں میڈیا رپورٹیں دیکھی ہیں۔ سال 2019 میں نصب کئے جانے کے بعد سے یہ مجسمہ گرانے کا تیسرا واقعہ ہے۔ پاکستان میں اقلیتی برادریوں کے ثقافتی وراثت پر اس طرح کے حملے اقلیتی برادریوں کے احترام میں کمی اور وہاں کے سماج میں عدم رواداری بڑھنے کی علامت ہیں۔‘‘
Published: undefined
ارندم باغچی نے اپنی بات کو آگے بڑھاتے ہوئے یہ بھی کہا کہ ’’پاکستان میں اقلیتی برادریوں کے خلاف تشدد کے واقعات اور ان کی عبادت گاہوں اور ثقافتی وراثت پر حملے اور ان کی ذاتی املاک کو نقصان پہنچانے کے واقعات تیزی سے بڑھ رہے ہیں۔‘‘ انھوں نے مزید کہا کہ ’’حکومت پاکستان ایسے حملوں کو روکنے میں ناکام ثابت ہوئی ہے۔ اس سے اقلیتی برادریوں میں خوف کا ماحول پیدا ہوا ہے۔ ہم حکومت پاکستان سے مطالبہ کرتے ہیں کہ وہ اقلیتی برادریوں کی حفاظت اور فلاح و بہبود کو یقینی بنائے۔‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا