سماج وادی پارٹی (ایس پی) سربراہ اکھلیش یادو نے الزام لگایا ہے کہ بھارتیہ جتنا پارٹی (بی جے پی) کی مرکزی و ریاستی حکومتیں جھوٹے وعدوں کی بنیاد پر اپنے دن کاٹ رہی ہیں۔ بی جے پی اسکیم کا سبزباغ دکھا کر عوام کو گمراہ کرتی ہےاور اس کی غلط پالیسیوں کی وجہ سے ملک کو بھاری نقصانات کا سامنا کرنا پڑ رہا ہے۔
Published: undefined
ایس پی سربراہ نے ایک جاری بیان میں کہا ہے کہ بی جے پی نے کورونا بحران میں ملک کی بگڑتی معاشی صورتحال کو چھاپنے کا کام بڑی چالاکی سے کیا ہے۔اعلی قیادت سے لے کر دوسرے بی جے پی لیڈران یہی دعوی کررہے ہیں کہ تمام تر دقتوں کے باوجود ملک کی معیشت میں بہتری کے آثار ہیں۔
Published: undefined
سابق وزیر اعلی نے کہا ہے کہ لیکن بی جے پی کے اس جھوٹے دعوے کی پول ایس بی آئی کی وہ رپورٹ کھولتی ہے جس میں کہا گیا ہے کہ جون میں مہنگائی شرح 6.98 فیصدی رہی ہے جبکہ مہنگائی کے ابھی مزید بڑھنے کے آثارہیں۔مسٹر یادو نے کہا کہ کریڈٹ ریٹنگ ایجنسی نے تو دعوی کیا ہے کہ ہندوستان کی معیشت مالی سال 2020-21 میں 9.5 فیصدی تک گر سکتی ہے جبکہ پہلے 5فیصدی کا اندازہ لگایا گیا تھا۔
Published: undefined
انہوں نے کہا کہ عالمی وبا کی وجہ سے نافذ ملک گیر لاک ڈاؤں نے عوام زندگی درہم برہم کر دی ہے۔اس کی وجہ سے ریاستوں میں نوکریاں جارہی ہیں۔ لوگ بے روزگار ہورہے ہیں۔ کھیتی۔کسانی بھی متاثرہورہی ہے۔ کاروباری دنیا میں بھی الٹ پلٹ شروع ہے۔کنسٹرکشن، آٹو موبائل ،صرافہ کے شعبوں میں کافی برااثر پڑا ہے۔لیکن بی جے پی کو اس کی نہ تو کئی فکر ہے اور نہ ہی کسی بات کا افسوس۔اس کی غلط پالیسیوں ملک کی ترقی کو روک دیا اور غیریقینی و عدم تحفظ کے احساس کو پیدا کیا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined