اتر پردیش کے امروہہ میں ایک حیران کرنے والا واقعہ سامنے آیا ہے۔ امروہہ سب ڈویژنل مجسٹریٹ (ایس ڈی ایم) سدھیر کمار کی سرکاری گاڑی میں آگے اور پیچھے کی طرف الگ الگ نمبر پلیٹ لگی ہوئی دکھائی دی۔ یہ گاڑی کلکٹریٹ کے باہر کھڑی ہوئی تھی جس پر 26 ہزار روپے کا چالان کاٹا گیا ہے۔ اس پورے معاملے میں اب ضلع مجسٹریٹ بی کے ترپاٹھی نے جانچ کا حکم صادر کر دیا ہے۔ انھوں نے کہا ہے کہ ’’جانچ رپورٹ آنے کے بعد سخت کارروائی کی جائے گی۔‘‘
Published: undefined
افسران کے مطابق آر ٹی او میں رجسٹرڈ ہر ایک گاڑی کا نمبر الگ طرح کا ہوتا ہے۔ معاون علاقائی ٹرانسپورٹ افسر مہیش چندر کے ذریعہ روٹین جانچ کے دوران گاڑی میں فرضی نمبر پلیٹ لگے ہونے کا معاملہ سامنے آیا۔ ایک میٹنگ میں ضلع ٹرانسپورٹ سیکورٹی کمیٹی کے ایک رکن کے ذریعہ اس بارے میں مطلع کرانے کے بعد ضلع مجسٹریٹ کی ہدایت پر چیکنگ کی گئی۔ یہاں قابل ذکر ہے کہ مختلف سرکاری محکمے اکثر دفتری استعمال کے لیے پرائیویٹ گاڑیوں کو کرایہ پر لیتی ہیں۔ اب دیکھنے والی بات یہ ہے کہ جانچ کے دوران کیا کچھ سامنے آتا ہے اور کس طرح کی کارروائی ہوتی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز