کامیڈین کنال کامرا کا ایکناتھ شندے پر تبصرہ، مشتعل شیوسینکوں کا ہنگامہ

اسٹینڈ اپ کامیڈین کنال کامرا ایک بار پھر تنازعات میں ہیں۔ کنال کامرا نے اپنے سوشل میڈیا پلیٹ فارم اور یوٹیوب چینل پر مہاراشٹر کی سیاست کے بارے میں ایک ویڈیو پوسٹ کیا ہے جس میں انہوں نے مہاراشٹر کے نائب وزیر اعلیٰ ایکناتھ شندے کا نام لیے بغیر ان پر نازیبا تبصرہ کیا ہے۔

ویڈیو سامنے آتے ہی شیو سینک غصے میں آگئے اور اتوار کو انہوں نے ممبئی کے کھار علاقے میں واقع اسٹوڈیو اور ہوٹل یونی کانٹی نینٹل میں توڑ پھوڑ کی۔ دعویٰ کیا جا رہا ہے کہ ویڈیو یہاں شوٹ کیا گیا ہے۔ اس دوران کنال کامرا کے خلاف ایم آئی ڈی سی تھانے میں ایف آئی آر درج کر لی گئی ہے۔ شنڈے سینا کے ایم ایل اے مراجی پٹیل نے شکایت درج کرائی ہے۔

دریں اثنا شیوسینا لیڈر راہل کنال نے بھی مطالبہ کیا کہ کنال کامرا، آدتیہ ٹھاکرے، سنجے راؤت اور راہل گاندھی کے خلاف نائب وزیر اعلیٰ ایکناتھ شندے کی توہین کرنے اور سوشل میڈیا پر ان پر مسلسل حملہ کرنے کے لیے بی این ایس کی مناسب دفعات کے تحت کھار پولس اسٹیشن میں مقدمہ درج کیا جائے۔

کامرا نے فلم ’’دل تو پاگل ہے‘‘ کے ہندی گانے کی طرز پر نائب وزیر اعلیٰ ایکناتھ شندے پر تنقید کی ۔ شیوسینا کے کارکنوں نے کامرہ کے خلاف ایف آئی آر درج کرنے کا مطالبہ کیا ہے۔ایک پولیس افسر کے مطابق، شندے کے خلاف کامرہ کے طنز کا ویڈیو سوشل میڈیا پر وائرل ہونے کے بعد پارٹی کارکن ہوٹل کے آڈیٹوریم پہنچے۔

شیوسینا کے ایم پی ملند دیوڑا نے انسٹاگرام پر پوسٹ کرتے ہوئے کہا، 'ایکناتھ شندے جی کا مذاق اڑایا گیا۔ ایک ایسا لیڈر جو اپنی طاقت کے بل بوتے پر آٹو ڈرائیور سے ہندوستان کی دوسری سب سے بڑی ریاست کے وزیراعلیٰ کے عہدے تک پہنچا۔ ان پر کیے گئے تبصروں سے طبقاتی تکبر کا اظہار ہوتا ہے۔‘‘

آدتیہ ٹھاکرے نے ایکس  پر اپنی پوسٹ میں لکھا، "منڈے کے (شندے کو پڑھیں) بزدل گینگ نے ایک کامیڈی شو کے اسٹیج کو توڑا جہاں کامیڈین کنال کامرا نے ایکناتھ منڈے پر ایک گانا گایا جو سو فیصد سچ تھا۔ صرف ایک غیر محفوظ بزدل ہی کسی کے گانے پر ردعمل ظاہر کرے گا۔" انہوں نے کہا، "ویسے، ریاست میں لاء اینڈ آرڈر؟ ایکناتھ منڈے کی طرف سے سی ایم اور وزیر داخلہ کو کمزور کرنے کی ایک اور کوشش۔" ٹھاکرے ایکناتھ شندے کا حوالہ دیتے ہوئے ہمیشہ مراٹھی لفظ "منڈے" استعمال کرتے ہیں، جیسا کہ اس کا مطلب ماتحت ہے۔

دریں اثنا، شیو سینا یو بی ٹی  کے رکن پارلیمنٹ  سنجے راوت نے کہا، 'کنال کامرا ایک معروف مصنف اور اسٹینڈ اپ کامیڈین ہیں۔ جب کنال نے مہاراشٹر کی سیاست پر طنزیہ گانا لکھا تو شندے گینگ کو غصہ آگیا۔ اس کے لوگوں نے کامرہ کاا سٹوڈیو تباہ کر دیا۔ دیویندر جی، آپ ایک کمزور وزیر داخلہ ہیں!‘(انپٹ بشکریہ  نیوز پورٹل ’آج تک‘)