تلنگانہ: رنگاریڈی ضلع میں زیر تعمیر اسٹیڈیم کی چھت گرنے سے 3 لوگوں کی موت، درجن بھر افراد زخمی

تلنگانہ کے رنگاریڈی ضلع میں آج ایک خطرناک حادثہ پیش آیا۔ یہاں کے معین آباد علاقہ میں ایک زیر تعمیر اِنڈور اسٹیڈیم کی چھت گرنی سے 3 لوگوں کی موت ہو گئی اور درجن بھر افراد زخمی ہو گئے۔ حادثہ کے بعد موقع پر بچاؤ و راحت رسانی کا عمل شروع کر دیا گیا ہے۔ کچھ لوگوں کے اب بھی عمارت کے ملبہ میں دبے ہونے کا اندیشہ ظاہر کیا جا رہا ہے۔ بتایا جا رہا ہے کہ یہ ایک ذاتی انڈور اسٹیڈیم تھا۔

راجندر نگر کے ڈی سی پی جگدیشور ریڈی کا حادثہ کے تعلق سے کہنا ہے کہ معین آباد میں ایک زیر تعمیر پرائیویٹ انڈور اسٹیڈیم منہدم ہونے سے اب تک 2 لوگوں کی موت ہو ئی ہے اور تقریباً 10 زخمی ہوئے ہیں۔ ایک لاش برآمد کر لی گئی ہے اور افسر ملبہ سے دوسری لاش کو نکالنے کی کوشش کر رہے ہیں۔ زخمیوں کو علاج کے لیے مقامی اسپتالوں میں بھیجا گیا ہے۔ بچاؤ و راحت رسانی کا عمل فی الحال جاری ہے۔