نئی دہلی: لکھیم پور کھیری سانحہ کی تحقیقات کر رہی ایس آئی ٹی کی رپورٹ آنے کے بعد سے حزب اختلاف لگاتار حکومت پر وزیر مملکت برائے داخلہ اجے مشرا کو عہدہ وزارت سے برطرف کرنے کا دباؤ بنا رہی ہے۔ کانگریس نے خصوصی طور پر مرکزی وزیر کے خلاف پارلیمنٹ اور سڑک سے لے کر سوشل میڈیا تک پر محاذ آرائی کی ہوئی ہے۔
Published: undefined
کانگریس کی جنرل سکریٹری پرینکا گاندھی نے جمعرات کو وزیر اعظم نریندر مودی پر نشانہ لگاتے ہوئے کہا کہ آپ ایک مجرم کا دفاع کر رہے ہیں۔ انہوں نے کہا کہ اجے مشرا ٹینی کو برخاست کیا جانا چاہئے۔
Published: undefined
پرینکا گاندھی نے اپنے ٹوئٹ میں لکھا، ’’اجے مشرا ٹینی کو برخاست کرنے سے حکومت کا انکار اس کے اخلاقی دوالیہ پن کی سب سے بڑی نشانی ہے۔ نریندر مودی مذہبی لباس اور مذہبی ہونے کا دکھاوا اس حقیقت کو تبدیل نہیں کر سکتے کہ آپ ایک مجرم کا دفاع کر رہے ہیں۔‘‘ پرینکا گاندھی نے ایک اور ٹوئٹ میں کہا، ’’اجے مشرا کو برخاست کیا جانا چاہئے اور اس پر قانون کے مطابق الزامات عائد ہونے چاہئیں۔‘‘
Published: undefined
خیال رہے کہ معاملے کی جانچ کر رہی خصوصی تفتیشی ٹیم (ایس آئی ٹی) نے منگل کے روز عدالت میں درخواست دائر کی ہے، جس میں کہا گیا ہے کہ یہ لاپرواہی سے گاڑی چلانے کا معاملہ نہیں ہے، بلکہ آشیش مشرا اور اس کے ساتھیوں نے منصوبہ بندی کرکے کسانوں کا قتل کیا ہے۔ انہوں نے کہا کہ لکھیم پور تشدد ایک سوچی سمجھی سازش تھی۔ ایس آئی ٹی نے عدالت سے استدعا کی ہے کہ لاپرواہی سے گاڑی چلانے کی دفعہ ایف آئی آر سے ہٹا کر نئی دفعات عائد کی جائیں۔ لکھیم پور تشدد کا مرکزی ملزم آشیش مشرا ریاستی وزیر داخلہ اجے مشرا ٹینی کا بیٹا ہے۔
Published: undefined
ایس آئی ٹی کی رپورٹ آنے کے بعد حزب اختلاف مشرا کو برطرف کرنے کا مطالبہ کرتے ہوئے پارلیمنٹ میں ہنگامہ کر رہی ہے۔ اپوزیشن کا کہنا ہے کہ ٹینی کے عہدے پر رہتے ہوئے شفاف تحقیقات نہیں ہو سکتی اس لیے انہیں ہٹایا جائے۔ اپوزیشن کے ہنگامہ آرائی کے باعث بدھ اور جمعرات کو پارلیمنٹ کی کارروائی میں خلل پڑا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined