دہلی-یوپی سمیت مختلف ریاستوں میں بارش کا دور رہے گا جاری، محکمہ موسمیات نے کیا الرٹ

 دہلی-این سی آر سمیت اتر پردیش، ہریانہ اور راجستھان میں مانسون نے رفتار پکڑ لی ہے۔ آنے والے کچھ دنوں تک دہلی کے ساتھ ساتھ پورے این سی آر میں بارش کی سرگرمیوں میں تیزی دیکھنے کو مل سکتی ہے۔ محکمہ موسمیات کے مطابق دہلی-این سی آر، اتر پردیش، بہار اور راجستھان میں 13 جولائی سے پورے ہفتہ تک گرج چمک کے ساتھ رک رک کر بارش جاری رہے گی۔ پہاڑی علاقوں جموں و کشمیر، ہماچل پردیش اور اتراکھنڈ میں 13، 14 اور 15 جولائی کو شدید بارش کی وارننگ ہے۔

محکمہ موسمیات کے مطابق دہلی میں اگلے 6 دن تک رک رک کر اور ہلکی سے درمیانی بارش ہو سکتی ہے۔ آج بھی آسمان میں جزوی طور پر بادل چھائے رہیں گے۔ گرج اور بجلی چمکنے کے ساتھ بارش کے آثار ہیں۔ اس دوران درجہ حرارت میں بھی گراوٹ آنے کا امکان ہے۔ 13 جولائی کو دہلی کا زیادہ سے زیادہ درجہ حرارت 36 ڈگری سیلسیس اور کم سے کم درجہ حرارت 26 ڈگری سیلسیس رہنے کی امید ہے۔ 18 جولائی تک اس درجہ حرارت میں 3 ڈگری سیلسیس کی کمی آسکتی ہے۔

ہفتہ کی صبح ساڑھے آٹھ بجے سے شام ساڑھے پانچ بجے کے درمیان دہلی میں بھارت منڈپم کے پاس سب سے زیادہ 16.4ملی میٹر بارش ہوئی۔ لودھی روڈ میں بھی 12 ملی میٹر بارش درج کی گئی۔ دہلی میں اب تک کُل 69.7 ملی میٹر بارش ہو چکی ہے جو معمول سے کم ہے۔

آئی ایم ڈی کے مطابق پہاڑی ریاستوں ہماچل پردیش، اتراکھنڈ میں لینڈ سلائڈ کا امکان ہے۔ مہاراشٹر، گجرات، گوا، چھتیس گڑھ، مدھیہ پردیش اور جھارکھنڈ میں مانسونی بارش جاری رہے گی۔ راجستھان میں بھی بارش کا دور جاری ہے۔ ہفتہ کو ریاست کے مشرقی حصوں میں مانسون فعال رہا ہے۔ یہاں جھالاواڑ، دھول پور، کرولی، الور سمیت کئی ضلعوں میں تیز بارش ہوئی ہے۔ جھالاواڑ میں چار اِنچ سے زیادہ بارش ہوئی۔ جھالاواڑ ضلع کے سُنیل میں ایک جھیل میں نہاتے وقت تین بچے ڈوب گئے۔ دو کی لاش باہر نکالی گئی ہے۔ ایک ابھی لاپتہ ہے۔ جھنجھنوں، دوسرا، چتوڑ گڑھ، ٹونک ضلعوں میں دن بھر درمیانی بارش کا دوری جاری رہا۔

 اُدئے پور کی جھیلوں میں بارش سے پانی کا بڑھنا جاری ہے۔ دھولپور میں تیز بارش کے درمیان پاروتی ندی میں ڈوبنے سے ایک نوجوان کی موت ہو گئی۔ ہفتہ کو جئے پور ضلع میں ہلکی بارش ہوئی۔ ٹونک ضلع کے بیسل پور پشتہ میں پانی کا تیزی سے اضافہ ہو رہا ہے۔ محکمہ موسمیات نے اتوار کو ریاست میں ایک درجن ضلعوں میں تیز بارش کا الرٹ جاری کیا ہے۔ شری گنگا نگر، ہنومان گڑھ اور جیسلمیر ضلعوں میں بارش کم ہو رہی ہے۔