دہلی کے وزیر اعلیٰ اروند کیجریوال نے جمعرات کو اسمبلی میں تحریک اعتماد پر تقریر کے دوران کہا کہ ان کے نائب وزیر اعلیٰ سسودیا کی رہائش پر سی بی آئی کی چھاپہ ماری کے بعد سے گجرات میں عآپ کا ووٹ شیئر 4 فیصد بڑھ گیا ہے، اور گرفتاری ہوئی تو یہ ووٹ شیئر 6 فیصد تک بڑھ جائے گا۔
Published: undefined
وزیر اعلیٰ کیجریوال نے منیش سسودیا کا دفاع کرتے ہوئے کہا کہ جانچ ایجنسی جانتی ہے کہ وہ بے قصور ہیں، پھر بھی ان کے خلاف مجموعی طور پر 13 معاملے درج کیے گئے ہیں۔ انھوں نے کہا کہ عآپ کے 49 اراکین اسمبلی کے خلاف معاملے درج ہیں۔ سسودیا کے خلاف جو فرضی مقدمے درج کیے گئے ہیں اس پر سسودیا نے جانچ کا استقبال کیا، لیکن ہتک عزتی کے معاملے کی دھمکی نہیں دی۔ سی بی آئی نے سسودیا کی رہائش پر چھاپہ ماری کی اور ان کے گاؤں گئی، ان کے بینک لاکر کی تلاشی بھی لی، لیکن کچھ نہیں ملا۔
Published: undefined
اس درمیان کیجریوال نے تحریک اعتماد پر بات کرتے ہوئے کہا کہ ’’ہم یہ ثابت کرنے کے لیے آج ایک تحریک اعتماد لائے ہیں کہ آپریشن لوٹس ناکام ہو جائے گا۔ ہمارے کسی بھی رکن اسمبلی نے پارٹی نہیں بدلی ہے۔‘‘ انھوں نے بی جے پی کو تنقید کا نشانہ بناتے ہوئے کہا کہ بی جے پی ہر اس جگہ کی جانچ کر رہی ہے جہاں عآپ نے اچھا کام کیا ہے۔ منیش سسودیا کی گرفتاری کے بعد مجھے لگتا ہے کہ ہمارا ووٹ فیصد مزید بڑھے گا۔
Published: undefined
اروند کیجریوال نے کہا کہ ’’کیا اسکول اور اسپتال بنانے کی خواہش کچھ غلط ہے؟ وہ (بی جے پی) اراکین اسمبلی کو خریدنے پر 20 کروڑ روپے سے 50 کروڑ روپے خرچ کر رہے ہیں، جو ان کی نظر میں غلط نہیں ہے۔ میرے دونوں بچے آئی آئی ٹی میں پڑھتے ہیں۔ میں چاہتا ہوں کہ ہندوستان میں ہر بچے کو یکساں تعلیم ملے، کیا یہ غلط ہے۔‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined