پی ایم مودی کے خطاب سے مزدوروں کو مایوسی ہاتھ لگی: کانگریس

نئی دہلی: کانگریس نے وزیر اعظم نریندر مودی کے قوم کے نام خطاب کو میڈیا کے لئے سرخیاں بتاتے ہوئے کہا ہے کہ انہوں نے مزدوروں اور محنت کشوں کو مایوس کیا ہے اور ان کے لئے اس اعلان میں کچھ بھی نہیں ہے۔ کانگریس مواصلات محکمہ کے سربراہ رنديپ سنگھ سرجےوالا نے کہا کہ پی ایم مودی نے اپنے گھروں کو جانے کے لئے پریشان لاکھوں مزدوروں کے ساتھ بے حسی دکھائی ہے جس سے محنت کشوں میں گہری مایوسی چھا گئی ہے۔

سرجے والا نے پی ایم مودی کے خطاب سے متعلق اپنا رد عمل ظاہر کرتے ہوئے واضح لفظوں میں کہا کہ ’’معزز مودی جی، آپ نے خطاب سے میڈیا کو خبر بنانے کو ہیڈ لائن تو دے دی لیکن ملک کو ’مدد کی ہیلپ لائن‘ کا انتظار ہے۔ وعدے سے حقیقت تک کا سفر مکمل ہونے کا انتظار رہے گا‘‘۔

مہاجر مزدوروں کے مسائل کا تذکرہ کرتے ہوئے سرجے والا نے کہا کہ ’’گھر واپسی کرتے لاکھوں مہاجر مزدور بھائیوں کو راحت، زخم پر مرہم، مالی مدد اور محفوظ گھر واپسی کی مدد پہلی ضرورت ہے۔ امید تھی کہ آپ اس کا اعلان کریں گے۔ لیکن ایسا نہیں ہوا۔ ملک، معمار قوم مزدوروں اور کارکنوں کے تئیں آپ کی بے حسی سے مایوس ہے‘‘۔