ہندوستان-برطانیہ تجارتی معاہدے پر بات چیت دوبارہ شروع

ہندوستان اور برطانیہ نے پیر کو دو طرفہ تجارتی معاہدے کے لئے بات چیت دوبارہ شروع کی۔ یہ اعلان تجارت اور صنعت کے وزیر پیوش گوئل اور برطانیہ کے محکمہ تجارت اور کاروبار کے وزیر جوناتھن رینالڈس کے درمیان دہلی میں ملاقات کے بعد جاری کردہ ایک بیان میں کیا گیا۔ یہ قدم دونوں ممالک کے وزرائے اعظم کی سطح پر ہونے والی مذکورہ بالا بات چیت کا نتیجہ ہے۔

ہندوستان اور برطانیہ کے درمیان قریبی شراکت داری ہے، جو سیکورٹی اور دفاع، نئی اور ابھرتی ہوئی ٹیکنالوجیز، آب و ہوا، صحت، تعلیم، تحقیق اور اختراع، گرین فائننس اور عوام سے عوام کے رابطوں پر تعاون کے ذریعے بنائی گئی ہے۔ اس تعلق کے مرکز میں اقتصادی ترقی اور پائیدار ترقی کی اجتماعی خواہش ہے۔

دونوں فریقین نے ایک متوازن ، باہمی فائدہ مند اور ایک مستقبل پر مبنی معاہدے کی طرف مذاکرات دوبارہ شروع کرنے پر اتفاق کیا ہے جو باہمی ترقی فراہم کرتا ہے اور دونوں تکمیلی معیشتوں کی طاقتوں کو بڑھاتا ہے ۔ ہمارے دونوں ممالک کے درمیان تجارتی تعلقات کو مضبوط بنانے سے ہمارے دونوں ممالک میں کاروبار اور صارفین کے لیے مواقع پیدا کرنے اور ہمارے پہلے سے گہرے تعلقات کو مزید مضبوط کرنے کی صلاحیت ہے۔

دونوں رہنماؤں نے مذاکرات کاروں کو ہدایت کی کہ وہ معاہدے کے بقایا مسائل کو حل کرنے کے لیے مل کر کام کریں تاکہ مشترکہ کامیابی کے لیے منصفانہ اور مساوی تجارتی معاہدے کو یقینی بنایا جاسکے۔