مرکز ی حکومت کےنئے زرعی قوانین کے خلاف کسان مظاہرہ کر رہے ہیں اور آج انہوں اپنے مطالبات کے حق میں بھارت بند کا اعلان کیا ہے۔بھارت بند کی حمایت کچھ مزدور تنظیموں اور ٹرانسپورٹ کی یونینوں نے بھی کی ہے۔احتجاج کررہے کسان رہنماؤں نے کہا ہے کہ بند میں شامل ہونے کے لئے کسی سے کوئی زبردستی نہیں کی جائے گی۔
Published: 08 Dec 2020, 7:40 AM IST
واضح رہے بند کے پیش نظر حکومت نے تمام احتیاطی اقدامات اٹھائے ہیں اور اس نے تمام ریاستی حکومتوں سےحفاظتی انتظامات بڑھانے اور امن کو یقینی بنانے کے لئے اقدام اٹھانے کے لئے کہا ہے۔کسانوں نے تمام طبقوں سے اس علامتی بند میں شامل ہونے کے لئے اپیل کی ہے ۔ واضح رہے بند کے دوران صبح 11 بجے سے سہ پہر تین بجے تک چکا جام رہے گا ۔
Published: 08 Dec 2020, 7:40 AM IST
احتجاج کر رہےکسانوں نے کہا ہے کہ بھارت بند سے عام آدمی کو کوئی پریشانی نہیں ہوگی اور اس پر کسی سیاسی پارٹی کو سیاست کرنے کی اجازت نہیں دی جائے گی۔انہوں نے سب سے اپیل کی ہے کہ وہ اس علامتی بند میں شرکت کریں اور دوکاندار چار گھنٹے کے لئے یعنی صبح 11 بجے سے سہ پہر تین بجے تک اپنی دوکانیں بند رکھیں اور کسانوں کے ساتھ یکجہتی کا اظہار کریں۔
Published: 08 Dec 2020, 7:40 AM IST
کانگریس صدر سونیا گاندھی، این سی پی رہنما شرد پوار،سی پی ایم کے سیتارام یچوری ، ڈی ایم کے کے ایم اسٹالن اور نیشنل کانفرنس کے فاروق عبداللہ نے مشترکہ بیان جاری کر کے کسانوں کے اس بند کی حمایت کی ہے۔مشترکہ بیان میں حکومت سے کسانوں کے مطالبات مانگنے کے لئے کہا گیا ہے۔ ادھر آج بھارت بند کے پیش نظر دہلی پولیس نے حفاظتی انتظامات بڑھا دئے ہیں۔
Published: 08 Dec 2020, 7:40 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 08 Dec 2020, 7:40 AM IST