لوک سبھا انتخاب کے تیسرے مرحلہ میں شام 5 بجے تک 60.19 فیصد ووٹنگ کی خبریں سامنے آ رہی ہیں۔ موصولہ اطلاع کے مطابق شام 5 بجے تک آسام میں سب سے زیادہ 74.86 فیصد ووٹنگ ہوئی، جبکہ مغربی بنگال میں 73.93 فیصد اور گوا میں 72.52 فیصد ووٹ ڈالے گئے۔ دیگر ریاستوں کی بات کی جائے تو 5 بجے تک بہار میں 56.01 فیصد، چھتیس گڑھ میں 66.87 فیصد، گجرات میں 55.22 فیصد، کرناٹک میں 66.05 فیصد، مدھیہ پردیش میں 62.28 فیصد، مہاراشٹر میں 53.40 فیصد اور اتر پردیش میں 55.13 فیصد ووٹنگ ہوئی۔
Published: 07 May 2024, 8:21 AM IST
لوک سبھا انتخابات کے تیسرے مرحلے کے لیے ووٹنگ جاری ہے۔ سہ پہر تین بجے تک اوسطاً 50.71 فیصد ووٹنگ ریکارڈ کی گئی۔ آسام میں 63.08 فیصد، بہار میں 46.69 فیصد، چھتیس گڑھ میں 58.19 فیصد، دادرا، نگر حویلی اور دمن دیو میں 52.43 فیصد، گوا میں 61.39 فیصد، گجرات میں 47.03 فیصد، کرناٹک میں 54.20 فیصد، مدھیہ پردیش میں 54.20 فیصد، مدھیہ پردیش میں 54.03 فیصد مہاراشٹر میں 46.78 فیصد اور مغربی بنگال میں سب سے زیادہ63.11 فیصد ووٹنگ ہوئی۔
دوپہر 3 بجے تک یوپی میں 38.12 فیصد ووٹنگ ہوئی۔ آگرہ میں 36.89 فیصد، سنبھل میں 42.97 فیصد، مین پوری میں 38.32 فیصد ریکارڈ کیا گیا۔ جلیسر میں 42.89 فیصد اور آگرہ کینٹ میں 33.47 فیصد ووٹنگ ہوئی۔
Published: 07 May 2024, 8:21 AM IST
لوک سبھا انتخابات کے تیسرے مرحلے کے تحت ووٹنگ جاری ہے اور دوپہر ایک بجے تک کا ڈیٹا جاری کر دیا گیا ہے۔ ایک بجے تک مغربی بنگال میں 49.27، گوا میں 49.04 فیصد، چھتیس گڑھ میں 46.14 فیصد، آسام میں 45.88 فیصد، مدھیہ پردیش میں 44.67 فیصد، کرناٹک میں 41.59 فیصد، دادر اور نگر حویلی، دمن اور دیو میں 39.94 فیصد، اتر پردیش میں 38 فیصد ، گجرات میں 36.69 فیصد، مہاراشٹر میں 31.55 فیصد لوگوں نے اپنے حق رائے دہی کا استعمال کر لیا تھا۔
Published: 07 May 2024, 8:21 AM IST
الیکشن کمیشن کے اعداد و شمار کے مطابق صبح 11 بجے تک آسام میں 27.34 فیصد، بہار میں 24.41 فیصد، چھتیس گڑھ میں 29.90 فیصد، گوا میں 30.94 فیصد، گجرات میں 24.35 فیصد، کرناٹک میں 24.48 فیصد، مدھیہ پردیش میں 30.21 فیصد، 18.81 فیصد ووٹ ڈالے گئے۔ مہاراشٹر میں 26.12 فیصد اور مغربی بنگال میں 32.82 فیصد ووٹنگ ہوئی۔
Published: 07 May 2024, 8:21 AM IST
تیسرے مرحلے میں صبح 9 بجے تک مغربی بنگال میں سب سے زیادہ 14.60 فیصد ووٹنگ درج کی گئی ہے۔ اس کے علاوہ مدھیہ پردیش میں 14.07، چھتیس گڑھ میں 13.24، گوا میں 11.83 فیصد، اتر پردیش میں 11.13 فیصد، دادر اور نگر حویلی، دمن اور دیو میں 10.13 فیصد، آسام میں 10.12 فیصد، بہار میں 10.03، گجرات میں 9.83 فیصد، کرناٹک میں 9.45 فیصد اور مہاراشٹر 6.64 ووٹنگ درج کی گئی۔
Published: 07 May 2024, 8:21 AM IST
مغربی بنگال کے مرشد آباد میں ووٹنگ کے دوران کانگریس لیڈر کے گھر پر دیسی بم سے حملہ کیا گیا ہے۔ دریں اثنا، مرشد آباد ضلع کی ہی جہانگیر پور لوک سبھا سیٹ پر بی جے پی، کانگریس اور ترنمول کانگریس کے کارکنان میں جھڑپ ہو گئی۔
Published: 07 May 2024, 8:21 AM IST
وزیر اعظم نریندر مودی نے گجرات کے احمد آباد میں ووٹ ڈالا۔ وزیراعظم گاڑی کے ذریعے پولنگ اسٹیشن پہنچے۔ یہاں وزیر داخلہ امت شاہ ان کا انتظار کر رہے تھے۔ اس دوران پی ایم مودی اور امت شاہ سڑک پر چند میٹر چل کر پولنگ بوتھ پہنچے، جہاں پی ایم مودی نے ووٹ ڈالا۔ اس موقع پر وزیر اعظم مودی نے لوگوں سے زیادہ سے زیادہ ووٹ ڈالنے کی اپیل کی۔
Published: 07 May 2024, 8:21 AM IST
لوک سبھا انتخابات کے تیسرے مرحلے میں آج 11 ریاستوں اور مرکز کے زیر انتظام علاقوں کی 93 سیٹوں پر ووٹنگ جاری ہے۔ تیسرے مرحلے میں آسام کی 4، بہار کی 5، چھتیس گڑھ کی 7، مدھیہ پردیش کی 8، مہاراشٹر کی 11، اتر پردیش کی 10 اور مغربی بنگال کی 4 نشستوں پر ووٹنگ ہو رہی ہے۔ پولنگ کے اوقات صبح 7:00 بجے سے شام 6:00 بجے تک ہیں۔ وزیر اعظم مودی نے گجرات میں اپنے حق رائے دہی کا استعمال کر دیا ہے۔
Published: 07 May 2024, 8:21 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 07 May 2024, 8:21 AM IST