مدر ڈیری نے دودھ کی قیمت میں 2 روپے کا کیا اضافہ

مہنگائی کے محاذ پر عام آدمی کو بڑا جھٹکا لگا ہے۔ مدر ڈیری نے دودھ کی قیمت میں اضافہ کر دیاہے۔ اب صارفین کو موجودہ شرح سے 2 روپے فی لیٹر اضافی ادا کرنا ہوں گے۔ نئی قیمتوں کا اطلاق آج (بدھ) سے ہو گا۔ نئی قیمتیں دہلی-این سی آر سمیت ملک بھر کی تمام ریاستوں کے لیے لاگو ہوں گی۔ مدر ڈیری دہلی-این سی آر میں روزانہ تقریباً 35 لاکھ لیٹر دودھ فروخت کرتی ہے۔

کمپنی کا کہنا ہے کہ قیمتیں اس لیے بڑھی ہیں کیونکہ کسانوں سے دودھ کی خریداری کی قیمت میں 4 سے 5 روپے اضافہ ہوا ہے۔ اس کی بڑی وجہ ملک بھر میں گرمیوں کا موسم جلد شروع ہونا اور کئی ریاستوں میں جاری ہیٹ ویو ہے جس کی وجہ سے جانوروں کے دودھ کی پیداوار میں کمی آئی ہے۔

ڈبل ٹونڈ دودھ کی قیمت 49 روپے سے بڑھ کر 51 روپے فی لیٹر اور گائے کے دودھ کی قیمت 57 روپے سے بڑھ کر 59 روپے فی لیٹر ہو گئی۔ بغیر پیک شدہ ٹونڈ دودھ کی قیمت 54 روپے سے بڑھ کر 56 روپے فی لیٹر ہو گئی۔ ٹونڈ دودھ (پاؤچ) کی قیمت 56 روپے سے بڑھ کر 57 روپے فی لیٹر ہو گئی۔ فل کریم دودھ (پاؤچ) کی قیمت 68 روپے سے بڑھ کر 69 روپے فی لیٹر ہو گئی۔