گرمی سےجلدی کوئی راحت نہیں، شمالی ہندوستان میں مانسون کی آئندہ ہفتہ تک کوئی امید نہیں

آئندہ ہفتہ تک راجستھان ، مغربی اتر پردیش ، ہریانہ ، چنڈی گڑھ ، دہلی اور پنجاب کے کچھ حصوں میں جنوب مغربی مانسون کو آگے بڑھنے کے لئے حالات سازگار ہونے کے امکان نہیں ہیں ۔ اس کا مطلب صاف ہے کہ جلد مانسون آنے کا شور مچ رہا تھا ویسا اب نہیں ہے اور لوگوں کو کچھ دن اور گرمی برداشت کرنی پڑے گی۔

ہندوستانی محکمہ موسمیات (آئی ایم ڈی) نے ہفتہ کو یہ اطلاع دی اور کہا کہ ایک ہفتہ تک شمالی ہندوستان میں مانسون کی آمد کی کو ئی امید نہیں ہے۔ آئی ایم ڈی حکام کے مطابق جنوب مغربی مانسون کی شمالی حدود باڑمیر ، بھیلواڑہ ، دھول پور ، علی گڑھ ، میرٹھ ، انبالہ اور امرتسر سے گزر رہی ہے۔ آئندہ پانچ دن کے دوران ہندوستان کے شمال مغرب ، وسطی اور مغربی حصوں میں کم بارش کا امکان ہے جنوب مغربی ہواؤں سے اگلے پانچ دن کے دوران مغربی بنگال ، سکم اور شمال مشرقی ریاستوں میں بھاری بارش کا امکان ہے۔

انہوں نے کہا کہ آئندہ پانچ دن کے دوران سب ہمالیہ مغربی بنگال ، سکم ، آسام اور میگھالیہ میں شدید سے انتہائی شدید بارش کاامکان ہے۔ اس کے علاوہ 29 اور 30 ​​جون کو اروناچل پردیش میں تیز بارش ہوسکتی ہے۔ 30 جون کو ناگالینڈ ، منی پور ، میزورم اور تری پورہ میں بھی تیز بارش کا امکان ہے۔