نیو یارک میں میکسیکن بحریہ کا جہاز بُرکلن پُل سے ٹکرایا، 19 زخمی، 4 کی حالت نازک… دیکھیں ویڈیو

امریکہ کے نیو یارک سٹی سے ایک بڑے حادثے کی خبر سامنے آئی ہے۔ یہاں میکسیکو کا ایک بحریہ کا جہاز اچانک پُل سے جا ٹکرایا۔ اس حادثے میں 19 افراد زخمی ہو گئے ہیں جن میں 4 کی حالت نازک بتائی جا رہی ہے۔ حادثے کے وقت جہاز میں 277 لوگ سوار تھے۔

یہ حادثہ ہفتہ کی رات کو نیو یارک کے بُرکلن پُل کے پاس پیش آیا۔ پُل کے نیچے سے میکسیکن بحریہ کا ایک جہاز گزر رہا تھا، تبھی جہاز کا اوپری حصہ پُل سے ٹکرا گیا۔ جہاز کے پل سے ٹکرانے کے بعد لوگوں میں افرا تفری کا ماحول پیدا ہو گیا۔

نیو یارک کے فائر ڈپارٹمنٹ کے پریس ڈیسک نے تصدیق کی ہے کہ حادثے کی اطلاع ملنے کے بعد افسران موقع پر پہنچ گئے اور راحت و بچاؤ کام کو تیزی سے انجام دیا۔ نیو یارک شہر کے میئر نے بتایا کہ میکسیکسن نیوی کا جہاز نیو یارک واقع بُرکلن پُل سے ٹکرایا جس میں 19 افراد زخمی ہوئے ہیں، جن کا علاج چل رہا ہے۔

اس حادثے کا ایک ویڈیو بھی سوشل میڈیا پر وائرل ہو رہا ہے۔ اس ویڈیو میں دیکھا جا سکتا ہے کہ میکسیکن بحریہ کا جہاز نیو یارک کے پورٹ کی طرف تیزی سے بڑھ رہا ہے، تبھی جہاز کا اوپری حصہ پُل سے ٹکرا جاتا ہے۔ ٹکر کے بعد جہاز کچھ دیر کے لیے بے قابو نظر آتا ہے، جس سے پورٹ پر کھڑے لوگوں میں بھگدڑ مچ جاتی ہے۔ موقع پر موجود کئی لوگوں نے اس واقعہ کو اپنے کیمرے میں قید کر لیا۔