ممبئی ٹریفک کانسٹیبل کو کار کے بونٹ پر 19 کلومیٹر تک گھسیٹنے والا شخص گرفتار

ممبئی: ممبئی کے واشی علاقہ میں ایک سنسنی خیز واقعہ کے دوران ایک مبینہ نشہ کے عادی شخص نے سگنل جمپ کرنے کے بعد ڈیوٹی پر تعینات ایک ٹریفک پولیس اہلکار کو کار کے بونٹ پر تقریباً 19 کلومیٹر تک گھسیٹا۔ عہدیداروں نے اتوار کو یہ اطلاع دی۔ ملزم کی شناخت نیرول شہر کے 23 سالہ آدتیہ بھینڈے کے طور پر کی گئی ہے اور اسے گرفتار کر لیا گیا ہے۔ اس پر اقدام قتل کا الزام عائد کیا گیا ہے اور اسے جلد ہی عدالت میں پیش کیا جائے گا۔

اطلاعات کے مطابق ہفتہ کو دوپہر تقریباً 1.45 بجے 37 سالہ ٹریفک پولیس اہلکار سدھیشور مالی مصروف بلیو ڈائمنڈ اکواڈ میں تعینات تھے۔ انہوں نے دیکھا کہ ایک گاڑی ریڈ سگنل سے تجاوز کر رہی ہے، وہ کار سے ٹکرا گیے لیکن گاڑی نہیں روکی۔ مالی اپنے ساتھی کانسٹیبل شندے کے ساتھ موٹر سائیکل پر کود گیا اور کار کا تعاقب کیا۔ آخر میں گاڑی کو اے ایم پی سی مارکٹ کے نزیک روک لیا گیا۔

جب دونوں پولیس اہلکاروں نے ڈرائیور کو باہر نکلنے کا حکم دیا تو اس نے کار کو تیزی کے ساتھ ڈرائیو کرنا شروع کر دی۔ مالی کار کے عین سامنے کھڑے تھے۔ خود کو بچانے کے لیے مالی نے کار کے بونٹ پر جھلانگ لگا دی اور لٹک گئے۔ ملزم ارینجا سرکل، پام بیچ روڈ اور دیگر علاقوں سے گزرتے ہوئے 19 کلومیٹر تک گاڑی چلاتا رہا!

شندے نے نوی ممبئی پولیس کنٹرول روم کو فون کیا اور اس واقعہ کی اطلاع دی۔ ایک ٹیم فوری طور پر بھنڈے کی جانب رونہ کی گئی اور آخرکار کار کو روکنے میں کامیابی حاصل کی۔ ایک عہدیدار نے کہا کہ ملزم کو پکڑ لیا گیا اور طبی معائنہ کے لیے لے جایا گیا۔ معلوم ہوا کہ وہ گانجے کے نشہ میں تھا۔

ملزم کو بعد میں گرفتار کر لیا گیا اور اقدام قتل، حملہ کرنے اور پبلک سرونٹ کو فرض کی انجام دہی سے روکنے کے لیے مجرمانہ طاقت، تیز رفتار سے گاڑی چلانے اور نشہ آور مادہ قانون کی مختلف دفعات کے تحت مقدمہ درج کیا گیا۔ غنیمت یہ رہی کہ مالی کو اس واقعہ کے دوران چٹ نہیں لگی، پولیس معاملہ کی تفتیش کر رہی ہے۔