سری نگر: سری نگر کے کنہ مزار نواح کدل میں 19 مئی کو مسلح تصادم کی جگہ پر ایک رہائشی مکان کے گرنے سے زخمی ہونے والا ایک اور شہری زندگی کی جنگ ہار گیا ہے۔ مقامی خبر رساں ایجنسی کے این او کے مطابق رہائشی مکان گرنے کے واقعہ میں زخمی ہونے والا 65 سالہ شخص اتوار کو سری نگر کے مہاراجہ ہری سنگھ اسپتال میں دم توڑ گیا۔ قبل ازیں ایک 12 سالہ لڑکا باسم اعجاز ساکنہ کرن نگر زخموں کی تاب نہ لاتے ہوئے دم توڑ گیا تھا۔
Published: undefined
مہلوک شخص کی شناخت نواح کدل کے رہنے والے منظور احمد خان کے طور پر ہوئی ہے۔ وہ مسلح تصادم کی جگہ پر ایک رہائشی مکان کے گرنے سے شدید طور پر زخمی ہوا تھا۔ کے این او نے ایس ایم ایچ ایس کے میڈیکل سپرنٹنڈنٹ ڈاکٹر نذیر چوہدری کے حوالے سے کہا ہے کہ 'ہاں زخمی شخص آج صبح دم توڑ گیا'۔
Published: undefined
واضح رہے کہ سری نگر کے کنہ مزار نواح کدل میں 19 مئی کو ہونے والے ایک مسلح تصادم میں تحریک حریت جموں وکشمیر کے چیئرمین محمد اشرف خان صحرائی کے فرزند جنید احمد خان صحرائی سمیت حزب المجاہدین کے دو مقامی ملی ٹنٹ مارے گئے تھے۔ مسلح تصادم کے دوران کنہ مزار نواح کدل میں کم از کم ایک درجن رہائشی مکانات کو بڑے پیمانے پر نقصان پہنچا تھا۔ کئی مکانات آگ پکڑنے کی وجہ سے مکمل طور پر تباہ ہوگئے تھے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا