حکومت آندھی، بارش کے مہلوکین کنبے کی سچ میں مدد کرے:اکھلیش

سماجوادی پارٹی(ایس پی) سربراہ اکھلیش یادو نے ریاست میں آندھی، بارش، طوفان سے 50 سے زیادہ لوگوں کی اموات پر دکھ کا اظہار کرتے ہوئے کہا کہ حکومت صرف کاغذی اعلان نہ کریں بلکہ متاثرہ کنبوں کی سچ میں مدد کریں۔

یادو نے کہا کہ گذشتہ تین دنوں میں ریاست کے درجنوں اضلاع میں آندھی طوفان اور بارش سے لاکھوں کی تعداد میں لوگ متاثر ہوئے۔ درجنوں گھر گرے اور لوگوں کے گھر اجڑ گئے۔ وزیر اعلی کے آبائی گاؤں گورکھپور سمیت کئی مقامات پر پانی جمع ہونے کے حالات پیدا ہوگئے۔ بڑی تعداد میں لوگ زخمی ہوئے۔ کئی درجن لوگوں کی موت ہوگئی۔

انہوں نے کہا کہ حکومت صرف کاغذی اعلانات نہ کرے۔ آندھی طوفان سے متاثرہ کنبوں کی سچ میں مدد کرے۔ تیز آندھی طوفان سے لکھنؤ سمیت آس پاس کے 10۔12اضلاع میں 17اموات ہوئی ہیں۔ کانپور اور نز دیکی اضلاع میں تقریبا 22افراد کی موت ہوگئی۔ فتح پور ضلع میں 6افراد کی موت ہوگئی۔ اسی طرح مغربی یوپی میرٹھ میں دو، باغپت میں دو، ہاتھرس، علی گڑھ میں ایک ایک اور دیگر اضلاع میں بھی اموات ہوئی ہیں۔

یادو نے ریاستی حکومت سے مطالبہ کیا ہے کہ پوری حسیاست کے ساتھ متاثرین کے ساتھ انصاف کیا جائے۔ بی جےپی حکومت جھوٹے اعلانات کرنے میں ماہر ہے۔ اس حکومت نے عوام سے کئے گئے گذشتہ وعدوں کو پورا نہیں کیاہے۔ مختلف آفات کے دوران اس حکومت نے اعلانات تو کئے لیکن متاثرین کی زمین پر مدد نہیں ہوئی۔