نئی دہلی: کانگریس جنرل سکریٹری پرینکا گاندھی نے اقتصادی بحران کےسلسلہ میں مرکزی حکومت پر پھر شدید حملہ کرتے ہوئے بدھ کو کہا کہ وہ ’میڈيا مینجمنٹ‘ کی بجائے حقیقت قبول کرکے اور اس میں بہتری کی اجتماعی کوشش کرے۔
Published: undefined
پرینکا گاندھی نے کہا کہ ’’سبز باغ دکھا کر روز پانچ ٹریلین پانچ ٹریلین بولتے رہنے یا میڈیا کی سرخیاں مینج کرنے سے اقتصادی بہتری نہیں آتی۔ بیرون ملک اسپانسرڈ ایونٹ سے سرمایہ کار نہیں آتے۔ سرمایہ کاروں کا بھروسہ ڈگمگا چکا ہے۔ اقتصادی سرمایہ کاری کی زمین ہل چکی ہے‘‘۔
Published: undefined
اپنے دوسرے ٹوئٹ میں پرینکا گاندھی نے کساد بازاری کے حوالہ سے لیپا پوتی نہ کرنے کی نصیحت دیتے ہوئے حکومت کو صلاح دیتے ہوئے کہا ’’مگر بی جے پی حکومت اس سچائی کو قبول نہیں کر رہی ہے۔ اقتصادی سپر پاور بننے کی سمت میں یہ بحران ’اسپیڈ بریکر‘ ہے، اس کو بہتر کئے بغیر تمام رنگ وروغن بیکار ہے‘‘۔ پرینکا گاندھی نے اپنے ٹوئٹ کے ساتھ ’مندی کی مار‘ ہیش ٹیگ کا بھی استعمال کیا۔
Published: undefined
اس سے قبل گزشتہ روز بھی پرینکا گاندھی نے ملک میں چل رہی مندی کے حوالہ سے مودی حکومت پر حملہ بولا تھا۔ انہوں نے اپنے ٹوئٹ میں کہا تھا، ’’بی جے پی حکومت سے بس اتنا کہنا ہے آپ جو ادھر ادھر کی بات کرکے کارواں لُٹ جانے کی ذمہ داری سے بچنا چاہتے ہیں، یہ مشکل ہوگا۔ لوگ دیکھ رہے ہیں۔
Published: undefined
پرینکا گاندھی نے اپنے ایک اور ٹوئٹ میں شاعرانہ انداز میں لکھا تھا، ’’معیشت کے حوالے سے کہا تھا، ’’معیشت کو کر کے چوپٹ، خاموش بیٹھی ہے سرکار، بحران زدہ ہیں کمپنیاں، ٹھپ ہو رہا کاروبار۔ ‘‘ انہوں نے مزید لکھا، ’’ڈرامہ سے دھوکہ سے جھوٹ سے پرچار سے کر کے فریب، عوام سے چھپا رہی حالت ہو گئی پتلی۔‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز