سری نگر: پی ڈی پی صدر اور سابق وزیر اعلیٰ محبوبہ مفتی کا کہنا ہے کہ حکومت ان کی پارٹی سے خوفزدہ ہے۔ انہوں نے ساتھ ہی کہا کہ ان کی پارٹی جموں و کشمیر کے لوگوں کے حقوق کے لئے محو جدو جہد ہے جس سے حکومت ڈرتی ہے۔ موصوفہ نے ان باتوں کا اظہار پیر کے روز پارٹی دفتر پر معروف تاجر زوہیب یوسف میر کی طرف سے پی ڈی پی میں شمولیت اختیار کرنے کے بعد نامہ نگاروں کے ساتھ بات کرنے کے دوران کیا۔ اس موقعے پر پارٹی کے بعض سینئر لیڈران بھی موجود تھے۔
Published: undefined
انہوں نے کہا کہ ’دوسری جماعتوں کو یہاں جلسے جلوس کرنے کی اجازت ہے لیکن پی ڈی پی کو اپنے بانی کے مزار پر فاتحہ پڑھنے کی بھی اجازت نہیں ہے‘۔ ان کا کہنا تھا کہ ’شاید یہ (حکومت) ہم سے خوفزدہ ہے کیو نکہ ہم سچ بولتے ہیں اور جموں وکشمیر کے لوگوں کے لئے ایک جدو جہد کا حصہ ہیں‘۔
Published: undefined
محبوبہ مفتی نے کہا کہ جموں و کشمیر کو خون خرابے سے باہر نکالنا پی ڈی پی کا ایجنڈ ا ہے۔ انہوں نے کہا کہ ’نہ صرف اپنی کھوئی ہوئی شناخت کو بحال کرنا بلکہ جموں و کشمیر کوخون خرابے سے باہر نکالنا ہمارا ایجنڈا ہے جس سے یہاں ہزاروں لوگوں نے اپنی جانیں کھوئیں، ہزاروں بچے یتیم ہوگئے اور ہزاروں کی تعداد میں خواتین بیوہ ہوگئیں‘۔
Published: undefined
محبوبہ مفتی نے کہا کہ جب تک ہم اپنے اس مقصد میں کامیاب نہیں ہوں گے تب تک ہم اپنی جد وجہد جاری رکھیں گے۔ انہوں نے کہا کہ جن حالات سے پی ڈی پی گزر رہی ہے ان میں اس جماعت میں شامل ہونا مشکل بات ہے۔ ان کا کہنا تھا کہ تعلیم یافتہ نوجوان ہماری پارٹی میں آ رہے ہیں جس سے ہماری حوصلہ افزائی ہو رہی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا