کرناٹک کے منگلورو میں ایک مچھلی کارخانہ میں زہریلی گیس کے رساؤ کے واقعہ میں مغربی بنگال کے تین مزدوروں کی موت ہو گئی اور آٹھ سے زائد کی حالت سنگین بتائی جا رہی ہے۔ پولیس کے مطابق واقعہ اتوار کی دیر شب کا ہے۔ بیمار پڑے سبھی مزدروں کا علاج پرائیویٹ اسپتال میں چل رہا ہے۔
Published: undefined
مہلوکین کی شناخت سمیراللہ اسلام، عمر فاروق اور نظام الدین ساز کی شکل میں ہوئی ہے۔ اذان علی، قریب اللہ، آفتاب، معراج الاسلام اور شرافت علی و دیگر کی حالت نازک ہے۔ مچھلی کارخانہ منگلورو میں باجپے پولیس اسٹیشن کی سرحد میں خصوصی معاشی زون (ایس ای زیڈ) میں واقع ہے۔ واقعہ مچھلی کے کچرے کو پروسیسڈ کرنے اور ٹینک کی صفائی کے دوران ہوئی۔
Published: undefined
ایک مزدور صفائی کے لیے ٹنکی میں جیسے ہی چڑھا وہ بیہوش ہو گیا۔ اسے بچانے کی کوشش کر رہے تقریباً 8 دیگر افراد بھی بیمار پڑ گئے اور انھیں سانس لینے میں تکلیف ہونے لگی۔ ٹینک 20 فیٹ گہرا ہے اور اس میں مچھلی کا کچرا جمع ہوتا ہے۔ پولیس کو اندیشہ ہے کہ مچھلی کے کچرے کو پروسیس کرنے کے دوران نکلی زہریلی گیس کے رساؤ کے سبب یہ واقعہ پیش آیا ہے۔ حالانکہ اس سلسلے میں حتمی طور پر کچھ بھی سامنے نہیں آیا ہے۔ پولیس ڈپٹی کمشنر ہری رام شنکر افسران کے ساتھ موقع پر پہنچے اور کارخانہ مینجمنٹ کو کام روکنے کی ہدایت دی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined