دہلی میں خوف، ایک دن میں کورونا کے ریکارڈ 5673 نئے کیسز

قومی دارالحکومت دہلی میں بدھ کے روز کورونا وائرس کے سب سے زیادہریکارڈ 5,673 نئے کیسز کے سامنے آنے کے بعد کورونا متاثرین کی تعداد بڑھ کر 3.70 لاکھ سے زیادہ ہو گئی ہے اور تشویش کی بات یہ ہے کہ اس دوران نئے کیسز کے مقابلے صحت یاب ہونے والوں کی تعداد میں کمی درج کی گئی ہے جس سے فعال کیسز میں اضافہ ہوا ہے۔

دہلی کی وزارت صحت کی جانب سے جاری اعداد و شمار کے مطابق راجدھانی میں متاثرین کی تعداد 3,70,014 ہوگئی۔ وہیں اس دوران ریکارڈ مزید 4,128 مریضوں کے صحت یاب ہونے کے بعد اب تک کل 3,34,240 افراد کورونا وائرس کو شکست دے چکے ہیں۔ اسی کے ساتھ ہی کورونا مریضوں کے صحت یاب ہونے کی شرح جزوی طور پر کمی کے ساتھ 90.33 فیصد رہ گئی جو منگل کے روز 90.60 فیصد پہنچ گئی تھی۔

اسی دوران کورونا وائرس سے مزید 40 مریضوں کی موت ہونے سے اس وبا سے مرنے والوں کی تعداد بڑھ کر 6,396 ہو گئی ہے۔

تشویش کی بات یہ ہے کہ نئے کیسز کے مقابلے صحت یاب افراد کی تعداد کم ہونے سے فعال کیسز میں اضافہ پو گیا ہے۔ قومی راجدھانی میں کورونا کے فعال کیسز کی تعداد 1505 مزید بڑھ کر آج 29,378 پہنچ گئی جو منگل کے روز 27,873 تھی۔

کہا جا رہا ہےکہ دہلی میں موسم سرما کی دستک اور آلودگی کی وجہ سے کورونا کےمعاملوںمیں اضافہ نظرآ رہاہے۔دہلی حکومت نےان کیسوںمیں اضافہ کی وجہ سے دہلی کے تمام اسکول ابھی نہ کھولنے کافیصلہ لیاہے۔ دہلی کےوزیر تعلیم منیش سسودیا نے کل اعلان کیا تھا کہ کورونا کے مریضوں میں اضافہ کی وجہ سے اساتذہ اور بچوں کےوالدین میں خوف ہے جس کی وجہ سےاسکول ابھی نہ کھولنےکا فیصلہ لیا گیا ہے۔