خاتون ڈیویزنل انجینئر رشوت لیتی رنگے ہاتھوں گرفتار

حیدرآباد: گریٹر حیدرآباد میونسپل کارپوریشن کے کاپرا سرکل کی خاتون ڈیویزنل انجینئر مہالکشمی کو اینٹی کرپشن بیورو کے عہدیداروں نے 20 ہزارر وپے رشوت لیتے ہوئے رنگے ہاتھوں پکڑ لیا۔ اس کے بعد کاپرا میونسپلٹی آفس کے علاوہ، اے سی بی نے مہالکشمی کی رہائش گاہ پر تلاشی لی۔

اے سی بی کے ڈی ایس پی سورا نارائن نے اس معاملہ کی تفصیلات بتاتے ہوئے کہا کہ ملاپور جی ایچ ایم سی کے صفائی ورکر رامو کی موت ہوگئی اور اس کی اہلیہ کو نوکری دینے مہالکشمی نے 20 ہزار روپے رشوت کا مطالبہ کیا تھا۔ رامو کے بیٹے سرینواس نے اے سی بی سے اس کی شکایت کی جس پر اے سی بی کے عہدیداروں نے جال بچھا کر مہالکشمی کو رشوت لیتے ہوئے رنگے ہاتھوں پکڑ لیا۔

سورا نارائن نے بتایا کہ وہ فی الحال ڈی ای مہالکشمی کے دفتر اور نگرم، چکرا پوری کالونی میں ان کی رہائش گاہ کی تلاشی لے رہے ہیں۔ اب تک ان کی رہائش گاہ میں سونا اور نقدی ملی ہے۔