آئندہ لوک سبھا انتخاب کے لیے مودی حکومت کے خلاف سبھی اپوزیشن پارٹیوں کو متحد کرنے کی مہم پر دہلی گئے بہار کے وزیر اعلیٰ نتیش کمار کی آج پٹنہ واپسی ہوئی۔ اپنے دورہ پر نتیش کمار نے دہلی میں مختلف پارٹیوں کے کئی لیڈران سے ملاقات کی اور اپوزیشن اتحاد کو مضبوط کرنے پر بات کی۔ پٹنہ لوٹنے پر نتیش کمار نے دہلی میں ہوئی ملاقاتوں کے بارے میں بتایا اور اس پر اطمینان کا اظہار کیا۔
Published: undefined
نتیش کمار نے بتایا کہ اپوزیشن اتحاد کو لے کر ہم سبھی لوگوں کی بات ہو گئی ہے۔ سبھی لوگ ایک پلیٹ فارم پر جمع ہونے کے لیے تیار ہیں۔ آگے بھی دیگر لوگوں سے بات چیت ہوگی۔ بہت جلد ہی ساری باتیں سامنے آ جائیں گی۔ ساتھ ہی نتیش کمار نے کہا کہ ہمارا مقصد ہے کہ زیادہ سے زیادہ لوگ ساتھ آئیں، پھر سب ساتھ بیٹھ کر آگے کی پالیسی طے کریں گے۔
Published: undefined
وزیر اعلیٰ نے بھارت رتن بابا صاحب ڈاکٹر بھیم راؤ امبیڈکر کی 132ویں جینتی تقریب کے موقع پر جنتا دل یو کے ذریعہ منعقد پروگرام میں لوگوں کو خطاب کرتے ہوئے کہا کہ بہار میں سبھی ترقیاتی کام کیے جا رہے ہیں۔ انھں نے مرکزی حکومت پر حملہ کرتے ہوئے کہا کہ مرکز میں ان دنوں جن کو موقع ملا ہے وہ کام کی جگہ صرف اپنی تشہیر کرنے میں لگے ہوئے ہیں۔ تاریخ بدلنے کی کوشش ہو رہی ہے، مختلف ریاستوں میں اپوزیشن لیڈروں کو پریشان کیا جا رہا ہے۔
Published: undefined
نتیش کمار نے اپنے خطاب میں یہ بھی کہا کہ ہم لوگوں نے ملک میں پہلی بار بہار میں پنچایتی راج اداروں اور بلدیاتی انتخاب میں خواتین کو 50 فیصد ریزرویشن دیا۔ سماج کے ہر طبقہ کو آگے بڑھانے کے لیے بہار میں بہت کام کیے گئے ہیں۔ پہلے بہار میں خود کفیل گروپوں کی تعداد بہت کم تھی، ہم لوگوں نے خود کفیل گروپوں کی تعداد بڑھانے کا کام کیا جس کے سبب اب بہار میں خود کفیل گروپوں کی تعداد بڑھ کر 10 لاکھ سے زیادہ ہو گئی ہے، جس سے 1 کروڑ 30 لاکھ سے زیادہ خواتین جڑی ہوئی ہیں۔
Published: undefined
وزیر اعلیٰ نتیش کمار نے کہا کہ ہم سبھی سات پارٹی ایک ساتھ ہیں اور سب نے یہ طے کیا ہے کہ اب بہار میں اساتذہ کی سرکاری بحالی کی جائے گی۔ اسی سال بڑے پیمانے پر اساتذہ کی بحالی کی جائے گی۔ اب اساتذہ سرکاری ملازمت میں آئیں گے۔ کچھ لوگ سرکاری اساتذہ کی بحالی پر اناپ شناپ بولنے میں لگے ہوئے ہیں۔ پہلے سے جو ٹیچر ہیں ان کی بھی آمدنی بڑھائی جائے گی۔
Published: undefined
نتیش کمار نے بھیم راؤ امبیڈکر کا تذکرہ کرتے ہوئے کہا کہ ’’ہم لوگ بابا صاحب کے آئین کو مان کر چلتے ہیں۔ کچھ لوگ ساتھ آئے، الگ ہوئے، پھر ساتھ آئے اور الگ ہوئے، لیکن 2005 سے 2015 تک جو بھی ترقیاتی کام کیے گئے، ہمارے ذریعہ ہی کیے گئے۔‘‘ انھوں نے مزید کہا کہ ’7 نشچے یوجنا‘ کو عملی جامہ پہنایا گیا۔ جو ہمارے ساتھ رہے انھوں نے بھی ان ترقیاتی منصوبوں کی کھل کر تعریف کی، کسی کو غلط فہمی میں رہنے کی ضرورت نہیں ہے۔ نتیش کمار نے واضح لفظوں میں کہا کہ اگر آپ اپنا ووٹ بی جے پی کو دیں گے تو اپنی ہی تباہی کریں گے اور ان کے خلاف ووٹ کریں گے تو اپنی ترقی کا راستہ ہموار کریں گے۔ انھوں نے مرکزی حکومت پر تنقید کرتے ہوئے کہا کہ آج کل ہر چیز پر کنٹرول کیا جا رہا ہے جو افسوسناک ہے۔
Published: undefined
وزیر اعلیٰ نے لوگوں سے اپیل کرتے ہوئے کہا کہ آپ سبھی میرے لیے نعرہ مت لگائیے، ہم سبھی کو متحد کرنے میں لگے ہوئے ہیں۔ آپ سبھی متحد رہیں۔ سب لوگ ایک دوسرے کا ساتھ دیں۔ ہم سبھی سات پارٹیاں مل کر بہار کو آگے بڑھا رہے ہیں، ملک کو آگے بڑھا رہے ہیں۔ ملک کو آگے بڑھانے کے لیے کئی پارٹیاں متحد ہو رہی ہیں۔ سبھی لوگ متحد ہو جائیں گے تو ملک آگے بڑھے گا اور غریبی دور ہوگی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined