کولکتہ: مغربی بنگال کی وزیراعلی ممتا بنرجی نے اتوار کو کمیشن پر سیدھاحملہ کرتے ہوئے کہا کہ الیکشن کمیشن کا نام بدل کر ایم سی سی یعنی مودی کوڈ آف کنڈکٹ رکھنا چاہیے، بنگال اسمبلی انتخابات کے چوتھے مرحلہ میں پولنگ کے دوران جم کر تشدد اور کوچ بہار علاقہ میں چار لوگوں کی مو ت ہونے پر جاری ہنگامہ کے درمیان الیکشن کمیشن نے کسی بھی سیاسی جماعت کے کوچ بہار جانے پر روک لگا دی ہے۔
Published: undefined
الیکشن کمیشن کے اس فیصلے کے بعد ممتا بنرجی نے کہا کہ الیکشن کمیشن کا نام بدل کر ایم سی سی رکھنا چاہیے۔ انہوں نے کہا کہ بی جے پی اپنی طاقت کا استعمال کرسکتی ہے لیکن دنیا میں کوئی بھی مجھے اپنے لوگوں کے پاس جانے اور ان کا درد بانٹنے سے روک نہیں سکتا۔ وہ مجھے کوچ بہار میں تین دنوں کے لئے اپنے بھائیوں اور بہنوں کے پاس جانے سے روک سکتے ہیں، لیکن میں چوتھے دن وہاں جاؤں گی۔
Published: undefined
ممتا بنرجی نے آج وہاں جانے کا اعلان کیا تھا، جہاں 22 سے 24 عمر کے چار نوجوانوں کی موت ہوگئی تھی۔ یہ واقعہ اس وقت ہوا جب سنیچر کو پولنگ کے دوران سیتل کچی اسمبلی حلقہ کے تحت ماتھا بھانگا کے ایک پولنگ مرکز پر مرکزی سلامتی دستہ نے خود کے دفاع کے لئے فائرنگ کی تھی۔
Published: undefined
الیکشن کمیشن نے حالانکہ کسی بھی لیڈر کے کوچ بہار جانے پر 72 گھنٹے تک روک لگا دی ہے۔ اس آرڈر کے بعد ممتا بنرجی کا کوچ بہار کا دورہ منسوخ ہوگیا۔ تشدد کے بعد ممتا بنرجی نے کہا تھا کہ وہ اتوار کو کوچ بہار جائیں گی۔ ممتا بنرجی آج پڑوسی ضلع جلپائی گڑی میں دو ریلیاں کرنے والی تھیں۔ انہوں نے اپنے دورہ کے پروگرام کو پھر سے جاری کیا اور چوتھے دن وہاں جانے کا فیصلہ کیا۔
Published: undefined
وزیراعلی نے کوچ بہار میں مرکزی دستوں کے ذریعہ خود کے دفاع کے لئے گولی چلانے کے واقعہ کا ذکر کرتے ہوئے کہا کہ ان کی حکومت واقعہ کی سی آئی ڈی جانچ شروع کرے گی۔ انہوں نے کہا کہ اس واقعہ میں کس کے ہاتھ ہیں اس کا پتہ لگانے کے لئے سی آئی ڈی جانچ شروع کی جائے گی۔
Published: undefined
الیکشن کمیشن نے کوچ بہار ضلع میں تشدد کے بعد کل بنگال میں جاری اسمبلی انتخابات کے دوران کچھ پابندیاں لگائی ہیں۔ کمیشن نے امن و قانون کی صورتحال مزید خراب ہونے کے کسی بھی اندیشہ کو بچنے کے لئے کوچ بہار ضلع میں اگلے 72 گھنٹے تک لیڈروں کے داخلہ پر روک لگا دی ہے۔ اس کے علاوہ ریاست میں پانچوں مرحلہ کے انتخابات سے پہلے تشہیر ختم کرنے کی حد 48 گھنٹے سے بڑھا کر 72 گھنٹے کردی گئی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا