پی ایم او کی ہدایت پر دہلی حکومت کا پروگرام ہائی جیک: عآپ

نئی دہلی: عام آدمی پارٹی (عآپ) نے اتوار کو الزام لگایا کہ وزیر اعظم کے دفتر (پی ایم او) کی ہدایت پر دہلی حکومت کی طرف سے منعقد ایک پروگرام کو ہائی جیک کیا گیا اور مبینہ طور پر وزیر اعظم نریندر مودی کی تصاویر والے بینرز اسٹیج پر لگائے گئے۔ دہلی حکومت کے وزیر ماحولیات گوپال رائے نے کہا کہ "پی ایم او کے حکم پر، دہلی پولیس دہلی حکومت کے 'وَن مہوتسو' پروگرام کی اختتامی تقریب کے اسٹیج پر پہنچی اور وزیر اعظم نریندر مودی کی تصویر لگا دی۔"

گوپال رائے نے الزام لگایا کہ اتوار کی شام کو پولیس زبردستی پروگرام میں داخل ہوئی اور وزیراعظم کے پوسٹر کو اسٹیج سے ہٹانے کی صورت میں عآپ کارکنوں کو گرفتار کرنے کی دھمکی دی۔ عام آدمی پارٹی نے دہلی کے وزیر اعلی اروند کیجریوال کے پھٹے ہوئے پوسٹروں کی تصویریں بھی سوشل میڈیا پر شیئر کیں ہیں۔ گوپال رائے نے سوال کیا کہ مودی جی دہلی حکومت کے پروگرام میں اپنی تصویر لگا کر کیا ثابت کرنا چاہتے ہیں؟

بتادیں کہ دہلی میں 11 جولائی سے وَن مہوتسو چل رہا تھا، جس کے تحت درخت لگائے جا رہے تھے۔ دوسری طرف یہ وان مہوتسو پروگرام اتوار کو ختم ہوا، جس میں ایل جی اور سی ایم اروند کیجریوال دونوں کو شرکت کرنی تھی۔ گوپال رائے نے کہا کہ "آپ (مودی) کے نام، چہرے اور تصویر کو کون نہیں جانتا۔ لیکن اس پروگرام کو ہائی جیک کرنے کے اس عمل سے یہ واضح ہو گیا ہے کہ آپ کے دل میں اروند کیجریوال کا خوف پیدا ہو گیا ہے۔" اس دوران، سی ایم کیجریوال نے ریاستی وزیر ماحولیات کے ساتھ پروگرام میں شرکت نہیں کی، پارٹی ذرائع نے بتایا کہ انہوں نے اس میں حصہ نہیں لیا۔