یوپی میں گائیں’دبلی‘اور گئوشالہ مالک’موٹے‘ہورہے ہیں:بگھیل

چھتیس گڑھ کے وزیر اعلی بھوپیش بگھیل نے منگل کو کہا کہ اترپردیش میں گائیں دبلی اور گئو شالائیں چلانے والے موٹے ہورہے ہیں۔

دھاتا انٹر کالج کے احاطے میں ایک عوامی ریلی سے خطاب کرتے ہوئے بگھیل نے کہا کہ یوپی کے وزیر اعلی یوگی آدتیہ ناتھ گرمی اور چربی نکالنے جیسے بیانات دینے کے بجائے ’گئو ماتا‘ کی صحت پر دھیان دیں تو شاید گناہ سے نجات ملے۔

انہوں نے کہا کہ اترپردیش میں 12لاکھ سرکاری عہدے خالی پڑے ہیں اگر ان کو بھرنے کی کوشش کی گئی ہوتی تو دبلے پتلے بے روزگار بچے لاٹھی کھا رہے ہیں ان کے جسم پربھی شاید کچھ چربی ہوتی۔انہوں نے کہا کہ ذات مذہب میں تقسیم کر کے اقتدار کرنے والی بی جے پی کو اس الیکشن میں سبق ملے گا۔

انہوں نے کہا کہ کسان دکھی ہیں۔ کھاد اور دام سے کسان پریشان ہے۔ اور جب کسان اپنی بات کہتا ہے تو اس پر گاڑی چڑھا کر روند کر مار دیا جاتا ہے۔ انہوں نے کہا کہ بی جے پی اعتماد شکنی، دھوکہ جوکسانوں کے ساتھ کیا ہے۔ یہی وجہ ہے کہ آج بی جے پی کے امیدواروں کو گاؤں اور گھروں سے عوام بھگا رہے ہیں۔ انہوں نے کہا کہ کسانوں کے لئے کانگریس ’سبز انقلاب‘لائی تھی اور یہ حکومت کسانوں، مزدوروں کو کیڑے کی زندگی گزروانا چاہ رہی ہے۔