چین میں کورونا وائرس کی وجہ سے اب تک 80 ہلاکتوں کی خبریں موصول ہو چکی ہیں اور اب دوسرے ممالک میں بھی اس کورونا وائرس سے دہشت کا ماحول دیکھنے کو مل رہا ہے۔ جہاں ایک طرف امریکہ میں پانچ افراد کے اس وائرس میں مبتلا ہونے کی خبریں سامنے آئی ہیں وہیں ہندوستان میں بھی دو افراد کو اس کورونا وائرس میں مبتلا ہونے کے خدشہ کے بعد اسپتال میں داخل کرایا گیا ہے۔ ایک مریض کا تعلق چھپرہ سے ہے جس کی چین سے واپسی ہوئی ہے اور ایک جے پور کا رہنے والا ہے جو چین میں ایم بی بی ایس کی پڑھائی کر رہا تھا اور ہندوستان واپس آیا ہے۔
Published: undefined
پہلے معاملے میں بہار کے سارن ضلع کے چھپرہ سٹی تھانہ علاقے کے ایک محلے کی ایک لڑکی میں جان لیوا کورونا وائرس پائے جانے کے خدشے کے پیش نظر بہتر علاج کے لئے اسے پٹنہ میڈیکل کالج اسپتال بھیجا گیا ہے۔ سارن کے سول سرجن مدھیشور نے آج یہاں بتایا کہ سٹی تھانہ علاقے کی 22 سالہ لڑکی چین میں میڈیکل کی تعلیم حاصل کر رہی ہے اور وہ گزشتہ 22 جنوری کو یہاں آئی تھی۔ لڑکی کی طبیعت خراب ہونے کے بعد اسے دو دن قبل چھپرہ میڈیکل کالج اسپتال میں داخل کرایا گیا تھا۔ انہوں نے بتایا کہ خدشہ ظاہر کیا جارہا ہے کہ طالبہ چین کے کورونا وائرس کی زد میں ہے۔
Published: undefined
جھا نے بتایا کہ طالبہ کو اسپتال میں داخل کرنے کے بعد پوری چوکسی برتی گئی اور ڈاکٹروں کی ایک ٹیم نے اس کی جانچ کی۔ انہوں نے بتایا کہ طالبہ کی طبیعت زیادہ خراب ہونے کے بعد کل شام اسے بہتر علاج کے لئے پٹنہ میڈیکل کالج اسپتال ریفر کیا گیا ہے۔
Published: undefined
واضح رہے کہ چین کے مختلف صوبے تیزی سے پھیلنے والے مہلک کورونا وائر کی زد میں ہیں جس کے سبب اب تک 80 لوگوں کی موت ہوچکی ہے۔ چین میں اس وائرس کے ابھی تک 2454 معاملے سامنے آئے ہیں جبکہ رپورٹ ہے کہ دنیا میں اس سے متاثر ہونے والوں کی تعداد 2504 ہے۔
Published: undefined
دوسری طرف چین میں پھیلے کوروناوائرس کامشتبہ مریض راجستھان میں بھی سامنے آنے کے بعد افرا تفری پیدا ہو گئی۔ مشتبہ مریض کو دارالحکومت جےپور کے سوائی مان سنگھ اسپتال میں داخل کرایاگیا ہے۔اسپتال ذرائع کے مطابق مریض کی دیکھ بھال کرنے کےلئے ڈاکٹروں کی ٹیم بنائی گئی ہے اور برابر اس کی نگرانی کی جارہی ہے۔مریض کے خون کے نمونوں کی جانچ مہاراشٹر کے پنے لیب میں کرائی جائےگی۔مریض جےپور کے سانگانیر علاقے کا رہنے والا بتایا جا رہا ہے جو چین سے ایم بی بی ایس کرکے لوٹا ہے۔
Published: undefined
طب اور صحت محکمے نے کورونا وائرس کے سلسلے میں الرٹ بھی جاری کیا ہے۔محکمے نے جے پور،باڑمیر،ہنومان گڑھ اور سیکر ضلع کے چیف میڈیکل افسر کو الرٹ بھی بھیجا ہے۔نئی دہلی میں واقع نیشنل سینٹر فور ڈسیز کنٹرول نے ریاست کے طب اور صحت محکمے کو ریاست میں چین سےا ٓئے 18مسافروں کی فہرست بھی بھیجی ہے۔ اس کے بعد طب اور صحت کے وزیر ڈاکٹر رگھو شرما نے اتوار کو ایس ایم ایس میڈیکل کالج انتطامیہ کو چین سے ایم بی بی ایس کی پڑھائی کرکے آئے ڈاکٹر کے کورونا وائرس میں مبتلا ہونے کا خدشہ ہونے پر مشتبہ مریض کو فوراً آئیسولیشن میں رکھنے اور ان کے پورے کنبے کی طبی جانچ کرانے کی ہدایت دی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined